കേരളത്തില് ശക്തമായ മഴയ്ക്കും കാറ്റിനും സാധ്യത; തീരദേശങ്ങളില് 'കള്ളക്കടല്' ജാഗ്രതാ നിര്ദ്ദേശം
തിരുവനന്തപുരം: സംസ്ഥാനത്ത് വരും മണിക്കൂറുകളില് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഏറ്റവും പുതിയ റഡാര് ചിത്രങ്ങള് പ്രകാരം ആലപ്പുഴ, കോട്ടയം, എറണാകുളം ജില്ലകളില് ഇടിയോടുകൂടിയ ഇടത്തരം അല്ലെങ്കില് ശക്തമായ മഴ പെയ്തേക്കും. ഇതോടൊപ്പം മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റടിക്കാനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
അതേസമയം, 'കള്ളക്കടല്' പ്രതിഭാസത്തെ തുടര്ന്ന് കേരള-കന്യാകുമാരി തീരങ്ങളില് കടലാക്രമണ സാധ്യതയുള്ളതിനാല് ദേശീയ സമുദ്രസ്ഥിതി പഠന ഗവേഷണ കേന്ദ്രം ജാഗ്രതാ നിര്ദ്ദേശം പുറപ്പെടുവിച്ചിട്ടുണ്ട്. കേരള തീരത്ത് നാളെ രാത്രി 11.30 വരെ 0.8 മുതല് 1.5 മീറ്റര് വരെ ഉയര്ന്ന തിരമാലകള്ക്ക് സാധ്യതയുണ്ട്. കന്യാകുമാരി തീരത്ത് ഇന്ന് രാത്രി 11.30 വരെ 1.2 മുതല് 1.5 മീറ്റര് വരെ ഉയരത്തില് തിരമാലകള് അടിച്ചേക്കാം. കടലാക്രമണ ഭീഷണിയുള്ളതിനാല് തീരദേശവാസികളും മത്സ്യത്തൊഴിലാളികളും അതീവ ജാഗ്രത പാലിക്കണമെന്ന് അധികൃതര് നിര്ദ്ദേശിച്ചു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.