കൊച്ചിയിൽ രണ്ട് സ്ത്രീകളും മൂന്ന് കുട്ടികളുമടക്കം അഞ്ചുപേർ വീടിനുള്ളിൽ മരിച്ചനിലയിൽ
രണ്ട് സ്ത്രീകളും മൂന്ന് കുട്ടികളുമടക്കം അഞ്ചുപേർ വീടിനുള്ളിൽ മരിച്ചനിലയിൽ.എറണാകുളം ലൂർദ് ആശുപത്രിക്ക് സമീപം ഗ്രീൻ ഗാർഡനിലാണ് സംഭവം. തിരുവനന്തപുരം സ്വദേശികളായ ഇവര് വടുതലയിൽ വാടകയ്ക്ക് താമസിക്കുകയായിരുന്നു. ആത്മഹത്യ ആണെന്നാണ് പ്രാഥമിക നിഗമനം. മൃതദേഹത്തിന് സമീപത്തുനിന്ന് ആത്മഹത്യാക്കുറിപ്പ് കണ്ടെത്തിയിട്ടുണ്ടെന്ന് പൊലീസ് അറിയിച്ചു .വിളപ്പിൽശാല കാരോട് കനക വിഹാറിൽ ശ്രീകുമാരി, മകൾ അശ്വതി എസ് നായർ, കാർണിവൻ (14) കീർത്തവൻ (4) രണ്ട് വയസുള്ള പെൺകുട്ടി എന്നിവരാണ് മരിച്ചത്.
ആസ്റ്റർ മെഡിസിറ്റിയിൽ ചികിത്സയ്ക്കായിവന്ന് മുറി വാടകയ്ക്കെടുത്ത് താമസിക്കുകയായിരുന്നു. രണ്ടുമാസമായി ഇവർ ഇവിടെ വാടകയ്ക്ക് താമസിക്കുകയാണെന്ന് അയൽവാസി പറഞ്ഞു. 2025 ഫെബ്രുവരി മുതൽ വിളപ്പിൽശാല കാരോടുള്ള വീട് മറ്റൊരാൾക്ക് വാടകയ്ക്ക് നൽകിയ ശേഷമാണ് ഇവർ എറണാകുളത്തേക്ക് പോയിരുന്നത്. പൊലീസ് സ്ഥലത്തെത്തി തുടർനടപടികൾ ആരംഭിച്ചു. സംഭവത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല. അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.