ദുബായ്: ദുബായ് എമിറേറ്റ്സ് റോഡിലുണ്ടായ ദാരുണമായ വാഹനാപകടത്തില് എട്ടു പേര് മരിച്ചു. മിനിബസും ട്രക്കും കൂട്ടിയിടിച്ചാണ് അപകടമുണ്ടായത്. അപകടത്തില് എട്ടു പേര്ക്ക് പരിക്കേല്ക്കുകയും ചെയ്തു. ഇതില് നാല് പേരുടെ നില അതീവ ഗുരുതരമാണ്. സാങ്കേതിക തകരാറിനെ തുടര്ന്ന് ട്രക്ക് റോഡിന് നടുവില് പെട്ടെന്ന് നിര്ത്തിയതാണ് വന് ദുരന്തത്തിന് കാരണമായതെന്ന് ദുബായ് പോലീസ് അറിയിച്ചു.
മരിച്ചവരില് ആറുപേര് ഇന്ത്യക്കാരാണെന്നാണ് അനൗദ്യോഗിക വിവരം. 'മോട്ടീവ് ടെക്നിക്കല് സര്വീസസ്' എന്ന സ്ഥാപനത്തിലെ ജീവനക്കാരാണ് അപകടത്തില്പ്പെട്ടത്. മരിച്ചവരില് ശ്രീലങ്ക, നേപ്പാള് സ്വദേശികളുമുണ്ട്. ഇരകളില് മലയാളികളുണ്ടോ എന്ന് തിരിച്ചറിയാനുള്ള ശ്രമങ്ങള് തുടരുകയാണെന്ന് സാമൂഹിക പ്രവര്ത്തകന് നസീര് വാടാനപ്പള്ളി അറിയിച്ചു.
ദുബായില് ബസ് അപകടം: മിനിബസും ട്രക്കും കൂട്ടിയിടിച്ച് 8 മരണം, മരിച്ചവരില് ഇന്ത്യക്കാരും
Jaihind TV News Report
Jaihind TV Web Desk
Updated Sep 21, 2026
1 min read
326 reads
