ഡല്‍ഹി: കോണ്‍ഗ്രസ് പാര്‍ട്ടിക്ക് ഏറ്റവും നിര്‍ണായക ഘട്ടങ്ങളിലും പ്രതിസന്ധികളിലും ഉറച്ച പിന്തുണ നല്‍കിയ വിശ്വസ്തനാണ് എ. കെ. ആന്റണിയെന്ന് മുതിര്‍ന്ന കോണ്‍ഗ്രസ് നേതാവ് സോണിയ ഗാന്ധി. തന്റെ ആത്മകഥയായ 'Belonging: A Journey of Love' എന്ന പുസ്തകത്തിലാണ് പാര്‍ട്ടിയിലെ തന്റെ വിശ്വസ്തനായ സഹപ്രവര്‍ത്തകനെക്കുറിച്ച് സോണിയ ഗാന്ധി മനസ്സ് തുറക്കുന്നത്.
തനിക്ക് എന്നും വിവേകമതിയായ ഒരു ഉപദേശകനായിരുന്നു എ. കെ. ആന്റണിയെന്ന് സോണിയ ഗാന്ധി പുസ്തകത്തില്‍ കുറിക്കുന്നു. സ്വന്തം രാഷ്ട്രീയമോ വ്യക്തിപരമോ ആയ താല്‍പര്യങ്ങളേക്കാള്‍ എന്നും പാര്‍ട്ടി താല്‍പര്യങ്ങള്‍ക്കൊപ്പം മാത്രം നിലകൊണ്ട വ്യക്തിയാണ് അദ്ദേഹം. രാഷ്ട്രീയ ജീവിതത്തില്‍ ഉടനീളം ലാളിത്യവും ആദര്‍ശനിഷ്ഠയും ഉയര്‍ത്തിപ്പിടിച്ച, ലളിതജീവിതം നയിക്കുന്ന ഒരു യഥാര്‍ത്ഥ ഗാന്ധിയനാണ് ആന്റണിയെന്നും സോണിയ വിശേഷിപ്പിക്കുന്നു.
ഭരണപരമായ തീരുമാനങ്ങളിലും പാര്‍ട്ടി സംഘടനാ വിഷയങ്ങളിലും കൃത്യവും നിഷ്പക്ഷവുമായ നിലപാടുകള്‍ എടുക്കാന്‍ ആന്റണിക്ക് സാധിച്ചിരുന്നു. UPA ഭരണകാലത്ത് സര്‍ക്കാരും പാര്‍ട്ടിയും തമ്മിലുള്ള ഏകോപനത്തിന് സഹായിച്ചിരുന്ന കോണ്‍ഗ്രസ് കോര്‍ ഗ്രൂപ്പിലെ ഏറ്റവും പ്രധാനപ്പെട്ട കണ്ണിയായിരുന്നു അദ്ദേഹമെന്നും സോണിയ ഓര്‍മിക്കുന്നു. പ്രണബ് മുഖര്‍ജി, അഹമ്മദ് പട്ടേല്‍ തുടങ്ങിയ നേതാക്കള്‍ക്കൊപ്പം പ്രതിസന്ധി ഘട്ടങ്ങളില്‍ ആന്റണി നല്‍കിയ പിന്തുണയും മാര്‍ഗനിര്‍ദേശങ്ങളും എടുത്തുപറയേണ്ടതാണെന്നും പുസ്തകത്തില്‍ വിശദീകരിക്കുന്നു.
ആന്റണി എന്ന വിശ്വസ്തൻ, 'പാർട്ടി താൽപര്യങ്ങൾക്കൊപ്പം എന്നും നിലകൊണ്ടയാൾ'; ആത്മകഥയിൽ എ. കെ ആന്റണിയെ പ്രശംസിച്ച് സോണിയ ഗാന്ധി
Jaihind TV News Report
Jaihind TV Web Desk
2 min read
303 reads
