എംപിമാരുടെ ശമ്പളവും പെന്ഷനും കൂട്ടി; വര്ദ്ധനവിന് 2023 മുതല് പ്രാബല്യം
Jaihind TV News Report
Jaihind TV Web Desk
March 24, 2025
1 min read
•
Updated: May 18, 2026
പാര്ലമെന്റ് അംഗങ്ങളും മുന് എം പി മാരും ഉള്പ്പടെയുള്ളവരുടെ ശമ്പളം വര്ധിപ്പിച്ച് കേന്ദ്ര സര്ക്കാര് വിജ്ഞാപനം പുറപ്പെടുവിച്ചു. ശമ്പളം, ദിവസ അലവന്സ്, പെന്ഷന്, തുടങ്ങിയവ വര്ധിപ്പിക്കുന്നതാണ് ഉത്തരവ്. 2023 ഏപ്രില് 1 മുതല് മുന്കാല പ്രാബല്യത്തോടെയാണ് ഉത്തരവ്. 2018 ശേഷം ഇപ്പോഴാണ് വര്ദ്ധനവ് വരുത്തുന്നത്
എം.പിമാരുടെ പ്രതിമാസ ശമ്പളം ഒരു ലക്ഷത്തില് നിന്ന് 1.24 ലക്ഷമായും ദിവസ അലവന്സ് 2,000 രൂപയില് നിന്ന് 2,500 രൂപയായും ഉയര്ത്തി. പ്രതിമാസ പെന്ഷന് 25,000 രൂപയില് നിന്ന് 31,000 രൂപയായും പരിഷ്കരിച്ചു. പാര്ലമെന്ററി കാര്യ മന്ത്രാലയം പുറപ്പെടുവിച്ച വിജ്ഞാപനത്തില്, സിറ്റിംഗ് അംഗങ്ങള്ക്കുള്ള ദിവസബത്തകളും മുന് അംഗങ്ങള്ക്ക് അഞ്ച് വര്ഷത്തില് കൂടുതലുള്ള ഓരോ വര്ഷത്തിനും പെന്ഷനും അധിക പെന്ഷനും വര്ദ്ധിപ്പിച്ചു.
സിറ്റിംഗ് എംപിമാര്ക്ക് ഒരു ലക്ഷം രൂപയില് നിന്ന് ഇപ്പോള് 1.24 ലക്ഷം രൂപ പ്രതിമാസ ശമ്പളം ലഭിക്കും. ദിവസബത്തകള് 2,000 രൂപയില് നിന്ന് 2,500 രൂപയായി വര്ദ്ധിപ്പിച്ചു. മുന് എംപിമാരുടെ പെന്ഷന് പ്രതിമാസം 25,000 രൂപയില് നിന്ന് 31,000 രൂപയായും വര്ദ്ധിപ്പിച്ചിട്ടുണ്ട്. അഞ്ച് വര്ഷത്തില് കൂടുതലുള്ള ഓരോ വര്ഷത്തെ സേവനത്തിനും പ്രതിമാസം 2,000 രൂപയില് നിന്ന് 2,500 രൂപയായി വര്ദ്ധിപ്പിച്ചതായി വിജ്ഞാപനത്തില് പറയുന്നു.
1961 ലെ ആദായനികുതി നിയമത്തില് വ്യക്തമാക്കിയിട്ടുള്ള ചെലവ് പണപ്പെരുപ്പ സൂചികയുടെ അടിസ്ഥാനത്തില് പാര്ലമെന്റ് അംഗങ്ങളുടെ ശമ്പളം, അലവന്സുകള്, പെന്ഷന് എന്നിവയിലെ അധികാരങ്ങള് വിനിയോഗിച്ചാണ് ശമ്പളത്തിലും പെന്ഷനിലുമുള്ള വര്ദ്ധനവ് വിജ്ഞാപനം ചെയ്തത്
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10