കൽപ്പറ്റ: പ്രിയങ്ക ഗാന്ധി എം.പി. നാളെ മുതൽ വയനാട് പാർലമെന്റ് മണ്ഡലത്തിൽ സന്ദർശനം നടത്തും. സെപ്റ്റംബർ 19-ന് വൈകിട്ടോടെ കണ്ണൂർ വിമാനത്താവളത്തിൽ എത്തുന്ന പ്രിയങ്ക ഗാന്ധി, അവിടെനിന്ന് റോഡ് മാർഗ്ഗമായിരിക്കും വയനാട്ടിലേക്ക് തിരിക്കുക.
തുടർന്നുള്ള ദിവസങ്ങളിൽ മണ്ഡലത്തിലെ വിവിധ പൊതുപരിപാടികളിലും കൂടിക്കാഴ്ചകളിലും അവർ പങ്കെടുക്കും. വയനാട്ടിലെ സാമൂഹിക, സാംസ്കാരിക രംഗങ്ങളിലെ വിവിധ സംഘടനാ പ്രതിനിധികളുമായും പൊതുജനങ്ങളുമായും പ്രിയങ്ക ഗാന്ധി നേരിട്ട് സംവദിക്കാനും പദ്ധതിയുണ്ട്.
