തൃശൂർ : കൊടകര കുഴൽപ്പണ കേസിൽ ബിജെപി തൃശൂർ ജില്ല ഓഫീസ് സെക്രട്ടറി സതീഷിനെ പ്രത്യേക അന്വേഷണ സംഘം ചോദ്യം ചെയ്യുന്നു. തൃശൂർ പൊലീസ് ക്ലബിലാണ് ചോദ്യം ചെയ്യൽ. പണവുമായെത്തിയ ധർമ്മരാജൻ ഉൾപ്പെടെയുള്ള സംഘത്തിന് തൃശൂരിൽ ഹോട്ടൽ മുറി എടുത്ത് നൽകിയത് സതീഷാണെന്ന് അന്വേഷണ സംഘത്തിന് വ്യക്തമായിട്ടുണ്ട്. ജില്ലാ ട്രഷറർ സുജയ് സേനന്റെ വിശ്വസ്തൻ പ്രശാന്തിനെയും ഇന്ന് ചോദ്യം ചെയ്യും .
അതിനിടെ കവർച്ചാ പണം കണ്ടെത്താൻ കണ്ണൂർ കോഴിക്കോട് ജില്ലകളിലെ പ്രതികളുടെ വീടുകളിൽ അന്വേഷണ സംഘം റെയ്ഡ് നടത്തുന്നു. കേസിൽ രണ്ടേകാൽ കോടിയോളം രൂപ ഇനിയും കണ്ടെടുക്കാനുണ്ട്.