ലോക ചാമ്പ്യനാണെന്ന് കരുതി ബോഡി ഷെയ്ം ചെയ്യാന് അവകാശമുണ്ടോ?: മേരി കോമിനെതിരെ വിമര്ശനം
മുംബൈ: സല്മാന് ഖാന് അവതാരകനായെത്തുന്ന പ്രമുഖ റിയാലിറ്റി ഷോയായ 'ബിഗ് ബോസ്' ഹിന്ദി സീസണില് മത്സരാര്ത്ഥിയായെത്തിയ ഇന്ത്യയുടെ ബോക്സിങ് ഇതിഹാസം മേരി കോമിനെതിരെ സോഷ്യല് മീഡിയയില് പ്രതിഷേധം കനക്കുന്നു. സഹമത്സരാര്ത്ഥിയും സംഗീത സംവിധായികയുമായ റിതി തിവാരിയെ ബോഡി ഷെയ്മിങ് ചെയ്തതിനാണ് മേരി കോമിനെതിരെ വ്യാപക വിമര്ശനം ഉയര്ന്നിരിക്കുന്നത്.
ഷോയിലെ സംഭാഷണത്തിനിടയില് റിതി തിവാരിയെ 'തടിയുള്ളവള്' എന്ന് വിശേഷിപ്പിക്കുകയും അവരുടെ വസ്ത്രധാരണ രീതി മോശമാണെന്ന് ആക്ഷേപിക്കുകയുമായിരുന്നു. ബി.ജെ.പി എം.പിയും പ്രശസ്ത ഗായകനുമായ മനോജ് തിവാരിയുടെ മകളാണ് റിതി തിവാരി.
മേരി കോമിനെപ്പോലുള്ള ഒരു ലോക ചാമ്പ്യനായ കായിക താരത്തില് നിന്നും ഇത്തരം വംശീയവും വ്യക്തിപരവുമായ അധിക്ഷേപങ്ങള് പ്രതീക്ഷിച്ചില്ലെന്നാണ് പ്രേക്ഷകര് വ്യക്തമാക്കുന്നത്. ലോക ചാമ്പ്യനായതുകൊണ്ട് മറ്റൊരാളുടെ ശരീരത്തെ അധിക്ഷേപിക്കാന് അവകാശമുണ്ടോയെന്നും, മറ്റുള്ളവരുടെ ശരീരത്തെയും വസ്ത്രധാരണത്തെയും അധിക്ഷേപിക്കുന്നത് ലജ്ജാകരമാണെന്നും സോഷ്യല് മീഡിയയില് പ്രതികരണങ്ങള് ഉയരുന്നുണ്ട്.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.