ആപ്പിൾ ഇന്റലിജൻസ് ഒടുവിൽ ചൈനയിലേക്ക്; അലിബാബയുമായി കൈകോർത്ത് ആപ്പിൾ

ആപ്പിൾ ഉപകരണങ്ങളിലെ നിർമിതബുദ്ധി (AI) അധിഷ്ഠിത സേവനമായ 'ആപ്പിൾ ഇന്റലിജൻസ്' ഔദ്യോഗികമായി പുറത്തിറങ്ങി രണ്ട് വർഷങ്ങൾക്ക് ശേഷം ഒടുവിൽ ചൈനീസ് വിപണിയിലും എത്തുന്നു. ചൈനീസ് വിപണിയിലുള്ള അനുയോജ്യമായ ഐഫോണുകളിൽ ഇതോടെ ആപ്പിൾ ഇന്റലിജൻസ് സേവനങ്ങൾ ലഭ്യമാകും. പ്രമുഖ ചൈനീസ് കമ്പനിയായ അലിബാബയുടെ എഐ മോഡലുകൾ ആപ്പിൾ ഉപകരണങ്ങളിൽ ഉപയോഗിക്കാൻ ചൈനീസ് അധികൃതർ അനുമതി നൽകിയതോടെയാണ് ഈ വഴി തെളിഞ്ഞത്. പുതിയ 'ഐഫോൺ ഡ്യുവോ' ചൈനീസ് വിപണിയിൽ അവതരിപ്പിക്കാനിരിക്കെയാണ് ഈ നിർണായക നീക്കം.

ഐഫോൺ ഡ്യുവോ, ഐഫോൺ 18 പ്രോ എന്നിവയിലും മുൻ മോഡലുകളിലും അലിബാബയുടെ എഐ സംവിധാനങ്ങൾ ഉൾപ്പെടുത്താൻ ചൈനയിലെ വ്യവസായ, ഐടി മന്ത്രാലയം അനുമതി നൽകിയതായി 'സൗത്ത് ചൈന മോണിങ് പോസ്റ്റ്' റിപ്പോർട്ട് ചെയ്യുന്നു. അലിബാബയുടെ ക്വെൻ എഐ (Qwen AI), എഐ ചിത്രങ്ങളും വീഡിയോകളും നിർമിക്കുന്ന 'ടോങ് യി വാൻക്സിയാങ്' എന്നിവ ഇക്കൂട്ടത്തിൽ പെടും. അന്താരാഷ്ട്ര വിപണികളിൽ ഓപ്പൺ എഐ (OpenAI), ഗൂഗിൾ ജെമിനി എഐ മോഡലുകളുടെ പിന്തുണയിലാണ് ആപ്പിൾ ഇന്റലിജൻസ് പ്രവർത്തിക്കുന്നതെങ്കിലും, ചൈനയിലെ രാജ്യസുരക്ഷാ നിയമങ്ങളുടെയും കടുത്ത നിയന്ത്രണങ്ങളുടെയും പശ്ചാത്തലത്തിലാണ് വിദേശ മോഡലുകൾക്ക് പകരം തദ്ദേശീയ എഐ കമ്പനിയെ ആപ്പിൾ ആശ്രയിക്കുന്നത്.

ചൈനയിൽ വിൽക്കുന്ന ഐഫോണുകൾ, ഐപാഡുകൾ, മാക്, വിഷൻ പ്രോ ഉപകരണങ്ങളിൽ പുതിയ അപ്ഡേറ്റിലൂടെ ഈ ഫീച്ചറുകൾ ലഭ്യമാകും. ചൈനീസ് സ്മാർട്ട്ഫോൺ വിപണിയിൽ വാവേയ് (Huawei) പോലുള്ള പ്രാദേശിക കമ്പനികൾ ഇതിനകം തങ്ങളുടെ ഫോണുകളിൽ അത്യാധുനിക എഐ ഫീച്ചറുകൾ ഉൾപ്പെടുത്തിക്കഴിഞ്ഞിട്ടുണ്ട്. ആപ്പിൾ തങ്ങളുടെ ഐഫോണുകളിൽ എഐ ഫീച്ചറുകൾ നൽകാതിരുന്നാൽ അത് കമ്പനിയുടെ വിൽപ്പനയെ ഗുരുതരമായി ബാധിക്കുമായിരുന്നു. എന്നാൽ അലിബാബയുടെ സഹായത്തോടെ ഈ പ്രതിസന്ധി മറികടന്ന് ചൈനീസ് വിപണിയിൽ