കൊച്ചി: അളവിൽ കൂടുതൽ മദ്യം കൈവശം വെച്ച കേസിൽ അറസ്റ്റിലായ റിപ്പോർട്ടർ ടിവി മാനേജിംഗ് ഡയറക്ടർ ആന്റോ അഗസ്റ്റിന് വീണ്ടും തിരിച്ചടി. ഹൈക്കോടതിയും ഇടക്കാല ജാമ്യം അനുവദിക്കാത്തതിനെ തുടർന്ന് ആന്റോ അഗസ്റ്റിൻ ജയിലിൽ തുടരും. ജാമ്യാപേക്ഷ പരിഗണിച്ച കോടതി, കേസിൽ നാളെ സുൽത്താൻ ബത്തേരി കോടതി പ്രൊഡക്ഷൻ വാറണ്ട് പരിഗണിക്കുന്നുണ്ടെന്ന കാര്യം ചൂണ്ടിക്കാട്ടുകയായിരുന്നു.
നേരത്തെ സുൽത്താൻ ബത്തേരി മജിസ്ട്രേറ്റ് കോടതി ജാമ്യാപേക്ഷ തള്ളിയതിനെ തുടർന്നാണ് ആന്റോ അഗസ്റ്റിൻ അടിയന്തര ജാമ്യം തേടി ഹൈക്കോടതിയെ സമീപിച്ചത്. എന്നാൽ കോടതി ഇടക്കാല ആശ്വാസം നൽകാൻ തയ്യാറായില്ല. ആന്റോയുടെ ജാമ്യഹര്‍ജി കൂടുതൽ വാദത്തിനായി ഹൈക്കോടതി വരുന്ന ചൊവ്വാഴ്ചത്തേക്ക് മാറ്റി.
