സംസ്ഥാന സര്‍ക്കാര്‍ ജനുവരി ഒന്നിന് പ്രഖ്യാപിച്ച വനിതാമതിലില്‍ പങ്കെടുക്കില്ലെന്ന് വ്യക്തമാക്കി നടി മഞ്ജു വാര്യര്‍. സ്ത്രീകള്‍ക്ക് വേണ്ടിയുള്ള ദൌത്യമാണ് എന്ന ധാരണയിലായിരുന്നു താന്‍ ഐക്യദാര്‍ഢ്യം പ്രഖ്യാപിച്ചിരുന്നതെന്നും എന്നാലിപ്പോള്‍ വനിതാമതിലിന്റെ 'രാഷ്ട്രീയ നിറം' തിരിച്ചറിഞ്ഞതുകൊണ്ടാണ് പിന്മാറുന്നതെന്നും നടി ഫേസ്ബുക്കില്‍ കുറിച്ചു.
മഞ്ജു വാര്യരുടെ ഫേസ്ബുക്ക് പോസ്റ്റിന്‍റെ പൂര്‍ണരൂപം.സംസ്ഥാനസര്‍ക്കാരുകളുടെ ഒട്ടേറെ പരിപാടികളോട് എല്ലാക്കാലവും ഞാന്‍ സഹകരിച്ചിട്ടുണ്ട്. ഭാവിയിലും സഹകരിക്കും. സ്ത്രീകള്‍ക്കുവേണ്ടിയുള്ള ഒരു സര്‍ക്കാര്‍ ദൗത്യം എന്ന ധാരണയിലാണ് വനിതാമതില്‍ എന്ന പരിപാടിക്ക് പിന്തുണ പ്രഖ്യാപിച്ചത്. പക്ഷേ അതിന് ഇതിനകം ഒരു രാഷ്ട്രീയ നിറം വന്നുചേര്‍ന്നത് ഞാന്‍ അറിഞ്ഞിരുന്നില്ല. അത് എന്റെ അറിവില്ലായ്മ കൊണ്ടുണ്ടായതാണ്. വൈകാരികമായ പല വിഷയങ്ങളുമായി വനിതാമതില്‍ എന്ന പരിപാടി കൂട്ടിവായിക്കപ്പെടുന്നു എന്നതിനെക്കുറിച്ചും ഞാന്‍ ബോധവതിയായിരുന്നില്ല. അതും എന്റെ ഭാഗത്തുനിന്നുണ്ടായ വീഴ്ചയാണ്. ഒന്നിന്റെ പേരിലും ആരും വിഘടിച്ചുനിൽക്കരുത് എന്ന് കരുതുന്നയാളാണ് ഞാന്‍. പ്രളയകാലത്ത് ലോകത്തിന് മുഴുവന്‍ മാതൃകയാകുന്ന തരത്തില്‍ ജാതിയും മതവും രാഷ്ട്രീയവും മറന്ന് നമുക്കിടയിലുണ്ടായ കൂട്ടായ്മ എന്നും നിലനില്കണമെന്നും ആഗ്രഹിക്കുന്നു. പാര്‍ട്ടികളുടെ കൊടികളുടെ നിറത്താല്‍ വ്യാഖ്യാനിക്കപ്പെടുന്ന തരത്തിലുള്ള രാഷ്ട്രീയം എനിക്കില്ല. കലയാണ് എന്റെ രാഷ്ട്രീയം. അതിനപ്പുറം എനിക്കൊന്നുമില്ല. അതുകൊണ്ടുതന്നെ പാര്‍ട്ടികളുടെ പേരില്‍ രാഷ്ട്രീയനിറമുള്ള പരിപാടികളില്‍നിന്ന് അകന്നുനില്കാനാണ് ഞാന്‍ ആഗ്രഹിക്കുന്നത്. ആ നിലപാടാണ് വനിതാമതിലിന്റെ കാര്യത്തിലുമുള്ളതെന്ന് വ്യക്തമാക്കട്ടെ.
ഖജനാവിലെ പണം ധൂര്‍ത്തടിച്ച് പിണറായി സര്‍ക്കാര്‍ നടത്താന്‍ പോകുന്ന വനിതാമതിലിനെതിരെ വ്യാപകപ്രതിഷേധമാണ് ഉയരുന്നത്. എഴുത്തുകാരിയും സാമൂഹികപ്രവര്‍ത്തകയുമായി സാറാ ജോസഫും സി.പി.എമ്മിന്‍റെ വനിതാമതിലില്‍ പങ്കെടുക്കില്ലെന്ന് നേരത്തെ വ്യക്തമാക്കിയിരുന്നു. പി.കെ ശശിക്കെതിരെ നടപടി സ്വീകരിക്കാത്ത സി.പി.എമ്മിന്‍റെ ഒരു പരിപാടിയിലും പങ്കെടുക്കില്ലെന്ന് അവര്‍ വ്യക്തമാക്കി.
https://www.youtube.com/watch?v=h33zzG7lTYk
സംസ്ഥാന സര്‍ക്കാര്‍ ജനുവരി ഒന്നിന് പ്രഖ്യാപിച്ച വനിതാമതിലില്‍ പങ്കെടുക്കില്ലെന്ന് വ്യക്തമാക്കി നടി മഞ്ജു വാര്യര്‍. സ്ത്രീകള്‍ക്ക് വേണ്ടിയുള്ള ദൌത്യമാണ് എന്ന ധാരണയിലായിരുന്നു താന്‍ ഐക്യദാര്‍ഢ്യം പ്രഖ്യാപിച്ചിരുന്നതെന്നും എന്നാലിപ്പോള്‍ വനിതാമതിലിന്റെ 'രാഷ്ട്രീയ നിറം' തിരിച്ചറിഞ്ഞതുകൊണ്ടാണ് പിന്മാറുന്നതെന്നും നടി ഫേസ്ബുക്കില്‍ കുറിച്ചു.
മഞ്ജു വാര്യരുടെ ഫേസ്ബുക്ക് പോസ്റ്റിന്‍റെ പൂര്‍ണരൂപം.
സംസ്ഥാനസര്‍ക്കാരുകളുടെ ഒട്ടേറെ പരിപാടികളോട് എല്ലാക്കാലവും ഞാന്‍ സഹകരിച്ചിട്ടുണ്ട്. ഭാവിയിലും സഹകരിക്കും. സ്ത്രീകള്‍ക്കുവേണ്ടിയുള്ള ഒരു സര്‍ക്കാര്‍ ദൗത്യം എന്ന ധാരണയിലാണ് വനിതാമതില്‍ എന്ന പരിപാടിക്ക് പിന്തുണ പ്രഖ്യാപിച്ചത്. പക്ഷേ അതിന് ഇതിനകം ഒരു രാഷ്ട്രീയ നിറം വന്നുചേര്‍ന്നത് ഞാന്‍ അറിഞ്ഞിരുന്നില്ല. അത് എന്റെ അറിവില്ലായ്മ കൊണ്ടുണ്ടായതാണ്. വൈകാരികമായ പല വിഷയങ്ങളുമായി വനിതാമതില്‍ എന്ന പരിപാടി കൂട്ടിവായിക്കപ്പെടുന്നു എന്നതിനെക്കുറിച്ചും ഞാന്‍ ബോധവതിയായിരുന്നില്ല. അതും എന്റെ ഭാഗത്തുനിന്നുണ്ടായ വീഴ്ചയാണ്. ഒന്നിന്റെ പേരിലും ആരും വിഘടിച്ചുനിൽക്കരുത് എന്ന് കരുതുന്നയാളാണ് ഞാന്‍. പ്രളയകാലത്ത് ലോകത്തിന് മുഴുവന്‍ മാതൃകയാകുന്ന തരത്തില്‍ ജാതിയും മതവും രാഷ്ട്രീയവും മറന്ന് നമുക്കിടയിലുണ്ടായ കൂട്ടായ്മ എന്നും നിലനില്കണമെന്നും ആഗ്രഹിക്കുന്നു. പാര്‍ട്ടികളുടെ കൊടികളുടെ നിറത്താല്‍ വ്യാഖ്യാനിക്കപ്പെടുന്ന തരത്തിലുള്ള രാഷ്ട്രീയം എനിക്കില്ല. കലയാണ് എന്റെ രാഷ്ട്രീയം. അതിനപ്പുറം എനിക്കൊന്നുമില്ല. അതുകൊണ്ടുതന്നെ പാര്‍ട്ടികളുടെ പേരില്‍ രാഷ്ട്രീയനിറമുള്ള പരിപാടികളില്‍നിന്ന് അകന്നുനില്കാനാണ് ഞാന്‍ ആഗ്രഹിക്കുന്നത്. ആ നിലപാടാണ് വനിതാമതിലിന്റെ കാര്യത്തിലുമുള്ളതെന്ന് വ്യക്തമാക്കട്ടെ.
ഖജനാവിലെ പണം ധൂര്‍ത്തടിച്ച് പിണറായി സര്‍ക്കാര്‍ നടത്താന്‍ പോകുന്ന വനിതാമതിലിനെതിരെ വ്യാപകപ്രതിഷേധമാണ് ഉയരുന്നത്. എഴുത്തുകാരിയും സാമൂഹികപ്രവര്‍ത്തകയുമായി സാറാ ജോസഫും സി.പി.എമ്മിന്‍റെ വനിതാമതിലില്‍ പങ്കെടുക്കില്ലെന്ന് നേരത്തെ വ്യക്തമാക്കിയിരുന്നു. പി.കെ ശശിക്കെതിരെ നടപടി സ്വീകരിക്കാത്ത സി.പി.എമ്മിന്‍റെ ഒരു പരിപാടിയിലും പങ്കെടുക്കില്ലെന്ന് അവര്‍ വ്യക്തമാക്കി.
https://www.youtube.com/watch?v=h33zzG7lTYk
