കോഴിക്കോട് മാധ്യമങ്ങളോട് സംസാരിക്കുകയായിരുന്നു അദ്ദേഹം.
രാജ്യത്ത് ഏറ്റവും വലിയ ഭീകരമായ വോട്ട് തട്ടിപ്പാണ് നടന്നത്. രാജ്യത്ത് ജനാധിപത്യം തന്നെ അപകടത്തിലാകുന്ന ഇത്തരം ഗൗരവകരമായ വിഷയങ്ങളാണ് 24 മണിക്കൂറും ചർച്ച ചെയ്യപ്പെടേണ്ടതെന്ന് അദ്ദേഹം പറഞ്ഞു. നിലവിലെ കേന്ദ്ര സർക്കാർ നിയമവിരുദ്ധമായ ഭരണകൂടമാണ്. 2014 മുതൽ വോട്ട് ചോർച്ച നടത്തിയാണ് നരേന്ദ്ര മോദി പ്രധാനമന്ത്രി സ്ഥാനത്ത് തുടരുന്നത്. ഇതിനെല്ലാം പിന്നിൽ പ്രവർത്തിച്ച് ജനാധിപത്യത്തെ കൊള്ളയടിച്ചത് കേന്ദ്ര ആഭ്യന്തരമന്ത്രി അമിത് ഷായാണെന്നും കെ.സി. വേണുഗോപാൽ കുറ്റപ്പെടുത്തി.
രാജ്യത്തെ പൗരന്മാരുടെ വോട്ടർ പട്ടികയിൽ ആരെ ഉൾപ്പെടുത്താനും ആരെ തള്ളിക്കളയാനുമുള്ള നേരിട്ടുള്ള ആക്സസ് മുഖ്യ തിരഞ്ഞെടുപ്പ് കമ്മീഷണർക്ക് മാത്രം നൽകിയിരിക്കുകയാണ്. ഇത്തരം ക്രമക്കേടുകൾ നടക്കുമ്പോൾ പിന്നെന്തിനാണ് ഇവിടെ ഒരു തിരഞ്ഞെടുപ്പ് നടത്തുന്നതെന്നും ഇതിനെതിരെ രാജ്യത്തെ ജനങ്ങൾ തെരുവിലിറങ്ങി പ്രക്ഷോഭം ഉയർത്തണമെന്നും അദ്ദേഹം ആഹ്വാനം ചെയ്തു.
