പാരമ്പര്യത്തിന്റെ കരുത്തിൽ കോൺഗ്രസ്; സംസ്ഥാന വ്യാപകമായി വിപുലമായ സ്ഥാപക ദിനാഘോഷങ്ങൾ
Jaihind TV News Report
Jaihind TV Web Desk
December 28, 2025
1 min read
•
Updated: June 09, 2026
ഇന്ത്യന് നാഷണല് കോണ്ഗ്രസിന്റെ സ്ഥാപക ദിനം കെപിസിസിയുടെ നേതൃത്വത്തില് ഇന്ന് വിപുലമായ പരിപാടികളോടെ ആഘോഷിക്കും. സംഘടനയുടെ കരുത്തും പാരമ്പര്യവും വിളിച്ചോതുന്ന ചടങ്ങുകളാണ് സംസ്ഥാനത്തുടനീളം സംഘടിപ്പിച്ചിരിക്കുന്നതെന്ന് സംഘടനാ ചുമതലയുള്ള കെപിസിസി ജനറല് സെക്രട്ടറി നെയ്യാറ്റിന്കര സനല് അറിയിച്ചു. ഓരോ പ്രവര്ത്തകനിലും ആവേശമുണര്ത്തുന്ന രീതിയിലാണ് ആഘോഷങ്ങള് ആസൂത്രണം ചെയ്തിരിക്കുന്നത്.
തിരുവനന്തപുരത്തെ കെപിസിസി ആസ്ഥാനത്താണ് സംസ്ഥാനതല ഉദ്ഘാടന ചടങ്ങുകള് നടക്കുന്നത്. ഇന്ന് രാവിലെ 10 മണിക്ക് കോണ്ഗ്രസ് പ്രവര്ത്തകസമിതി അംഗം എ.കെ. ആന്റണി പാര്ട്ടി പതാക ഉയര്ത്തും. തുടര്ന്ന് സേവാദള് വാളന്റിയര്മാര് നല്കുന്ന ഗാര്ഡ് ഓഫ് ഓണര് അദ്ദേഹം സ്വീകരിക്കും. ചടങ്ങില് അദ്ദേഹം പ്രവര്ത്തകര്ക്കായി പ്രത്യേക ജന്മദിന സന്ദേശവും നല്കുന്നതാണ്.
പാര്ട്ടിയുടെ സമുന്നത നേതാക്കളുടെ വലിയൊരു നിര തന്നെ ആഘോഷങ്ങളില് പങ്കുചേരും. കെപിസിസി മുന് പ്രസിഡന്റുമാര്, വര്ക്കിംഗ് പ്രസിഡന്റുമാര്, രാഷ്ട്രീയകാര്യ സമിതി അംഗങ്ങള്, കെപിസിസി ഭാരവാഹികള്, മുതിര്ന്ന നേതാക്കള്, ജനപ്രതിനിധികള് എന്നിവര് ആസ്ഥാനത്തെ ചടങ്ങുകളില് സന്നിഹിതരായിരിക്കും. താഴെത്തട്ടിലുള്ള പ്രവര്ത്തകരെ ഏകോപിപ്പിച്ചുകൊണ്ട് വലിയൊരു മുന്നേറ്റത്തിനാണ് കെപിസിസി ലക്ഷ്യമിടുന്നത്.
തിരുവനന്തപുരം കേന്ദ്രീകരിച്ചുള്ള പരിപാടികള്ക്ക് പുറമെ, സംസ്ഥാനത്തെ എല്ലാ ഡിസിസി, ബ്ലോക്ക്, മണ്ഡലം കമ്മിറ്റികളുടെയും നേതൃത്വത്തില് സമാനമായ രീതിയില് പതാക ഉയര്ത്തലും മറ്റ് ആഘോഷ പരിപാടികളും സംഘടിപ്പിച്ചിട്ടുണ്ട്. കോണ്ഗ്രസിന്റെ ആദര്ശങ്ങളും ചരിത്രവും ഓര്മ്മിപ്പിച്ചുകൊണ്ട് സംസ്ഥാന വ്യാപകമായി അണിനിരക്കുന്ന ഈ ആഘോഷങ്ങള് വരാനിരിക്കുന്ന രാഷ്ട്രീയ പ്രവര്ത്തനങ്ങള്ക്ക് ഊര്ജ്ജം പകരുമെന്ന് നേതാക്കള് പ്രത്യാശ പ്രകടിപ്പിച്ചു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10