ഇടുക്കി: ചിന്നക്കനാലില്‍ ആന ആക്രമണത്തില്‍ മരിച്ച വീട്ടമ്മയുടെ കുഞ്ഞുങ്ങളുടെ ഉത്തരവാദിത്വം വനംവകുപ്പ് ഏറ്റെടുക്കുമെന്ന് വനംവകുപ്പ് മന്ത്രി ഷിബു ബേബി ജോണ്‍ അറിയിച്ചു. ആദ്യ സഹായമായി കുടുംബത്തിന് 5 ലക്ഷം രൂപ നല്‍കും.
കുട്ടികള്‍ മൈനറായ സാഹചര്യത്തിലാണ് ഇവരുടെ ഉത്തരവാദിത്വം വനംവകുപ്പ് ഏറ്റെടുക്കുന്നത്. അനുവദിച്ച തുകയില്‍ രണ്ടര ലക്ഷം രൂപ വീതം കുട്ടിയുടെ പേരില്‍ ബാങ്കില്‍ നിക്ഷേപിക്കും. കൂടാതെ, കുട്ടികളുടെ ചെലവുകള്‍ക്കായി പ്രതിമാസം 5000 രൂപ നല്‍കുമെന്നും ഇവരുടെ കാര്യങ്ങള്‍ നോക്കുന്നതിനായി വനംവകുപ്പില്‍ നിന്ന് ഒരു ഉദ്യോഗസ്ഥനെ ചുമതലപ്പെടുത്തുമെന്നും മന്ത്രി വ്യക്തമാക്കി.
വന്യജീവി ആക്രമണ യാഥാര്‍ത്ഥ്യങ്ങള്‍ കേന്ദ്രത്തെ ധരിപ്പിക്കുന്നതിനായി പ്രധാനമന്ത്രിയെയും കേന്ദ്ര വനംമന്ത്രിയെയും നേരിട്ട് കാണുമെന്നും മന്ത്രി ഷിബു ബേബി ജോണ്‍ അറിയിച്ചു.
ചിന്നക്കനാല്‍ ആന ആക്രമണം: കുട്ടികളുടെ ഉത്തരവാദിത്വം വനംവകുപ്പ് ഏറ്റെടുക്കുമെന്ന് മന്ത്രി ഷിബു ബേബി ജോണ്‍; 5 ലക്ഷം രൂപ ധനസഹായം
Jaihind TV News Report
Jaihind TV Web Desk
Updated Oct 12, 2026
1 min read
413 reads
