ദുബായ് : സംസ്ഥാനത്തിന്റെ ദീര്ഘകാല വളര്ച്ചയും സാമൂഹിക ക്ഷേമവും ശക്തിപ്പെടുത്താന്, പുരോഗമനപരവും വികസനപരവുമായ ബജറ്റ് അവതരിപ്പിച്ച മുഖ്യമന്ത്രി വി.ഡി. സതീശനെ ,
ആസ്റ്റര് ഡിഎം ഹെല്ത്ത് കെയര് സ്ഥാപക ചെയര്മാന് ഡോ. ആസാദ് മൂപ്പന് അഭിനന്ദിച്ചു.
മാനവ വികസന സൂചകങ്ങളില് കേരളം സ്ഥിരമായി മികവ് തെളിയിച്ചിട്ടുണ്ട്. ഈ അടിത്തറയില് നാടിനെ കെട്ടിപ്പടുക്കുന്നതിനും സംസ്ഥാനത്തെ ആഗോള വിജ്ഞാനത്തിന്റെയും നവീകരണത്തിന്റെയും കേന്ദ്രമായി സ്ഥാപിക്കുന്നതിനും, വരും വര്ഷങ്ങളില് നമ്മുടെ മേഖലകള് ദൗത്യപരമായ ശ്രദ്ധ അര്ഹിക്കുന്നുവെന്നും ഡോ. ആസാദ് മൂപ്പന് പറഞ്ഞു.
ആരോഗ്യ മേഖല
ആരോഗ്യ സംരക്ഷണ മേഖലയിലെ ഗുണനിലവാരമുള്ള പരിചരണം, മെഡിക്കല് സാങ്കേതികവിദ്യ, ഡിജിറ്റല് ആരോഗ്യം, പ്രതിരോധ ആരോഗ്യ സംരക്ഷണം, ഗവേഷണം, മെഡിക്കല് വിദ്യാഭ്യാസം എന്നിവയിലെ നിക്ഷേപങ്ങളിലൂടെ കേരളം ആരോഗ്യസംരക്ഷണ ആവാസവ്യവസ്ഥയെ ശക്തിപ്പെടുത്തുന്നത് തുടരണം. ഇത് ആരോഗ്യസംരക്ഷണ രംഗത്തെ മികച്ച ലക്ഷ്യസ്ഥാനമെന്ന നിലയില് കേരളത്തിന്റെ സ്ഥാനം മെച്ചപ്പെടുത്തുന്നതിനൊപ്പം ജനങ്ങള്ക്ക് നൂതന മെഡിക്കല് സേവനങ്ങള് ലഭ്യമാക്കുകയും ചെയ്യും.
കാര്ഷിക രംഗം
സാങ്കേതികവിദ്യയാല് നയിക്കപ്പെടുന്ന, സുസ്ഥിരവും മൂല്യവര്ദ്ധിതവുമായ കൃഷിയിലാണ് കേരളത്തിലെ കാര്ഷിക മേഖലയുടെ ഭാവി. കര്ഷകര്ക്ക് കൂടുതല് പിന്തുണ, കാര്ഷിക സംരംഭകത്വം, ഭക്ഷ്യ സംസ്കരണം, ആധുനിക കാര്ഷിക രീതികള് എന്നിവ ഗ്രാമീണ അഭിവൃദ്ധിയും ഭക്ഷ്യസുരക്ഷയും ഗണ്യമായി മെച്ചപ്പെടുത്തും.
ആര്ട്ടിഫിഷ്യല് ഇന്റലിജന്സ്
ഇന്ത്യയിലെ മുന്നിര ആര്ട്ടിഫിഷ്യല് ഇന്റലിജന്സ് പ്രാപ്തമാക്കിയ വിജ്ഞാന സമ്പദ് വ്യവസ്ഥയായി മാറാന് കേരളത്തിന് അവസരമുണ്ട്. എഐ, ഡിജിറ്റല് കഴിവുകള്, നവീനാശയങ്ങള്, ഗവേഷണം, സംരംഭകത്വം എന്നിവ വിദ്യാഭ്യാസ സമ്പ്രദായത്തില് സംയോജിപ്പിക്കുന്നത് നമ്മുടെ യുവാക്കളെ ഭാവിയിലെ ജോലികള്ക്കും അവസരങ്ങള്ക്കുമായി സജ്ജമാക്കും.
ഇത്തരത്തില്, ആരോഗ്യ സംരക്ഷണം, കൃഷി, കൃത്രിമബുദ്ധിയാല് നയിക്കപ്പെടുന്ന വിദ്യാഭ്യാസം എന്നിവക്ക് കേരളത്തിന്റെ അടുത്ത ഘട്ട വളര്ച്ചയുടെ മൂന്ന് സ്തംഭങ്ങളായി മാറാന് കഴിയും. വ്യക്തമായ കാഴ്ചപ്പാടും കൂട്ടായ പ്രതിബദ്ധതയും ഉണ്ടെങ്കില് സമഗ്രവികസനത്തിനും നവീനാശയങ്ങള്ക്കും മനുഷ്യപുരോഗതിക്കും ഊന്നല് നല്കുന്ന ആഗോള മാതൃകയായി കേരളം ഉയര്ന്നുവരുമെന്നും ഡോ. ആസാദ് മൂപ്പന് പറഞ്ഞു.
പുരോഗമനപരവും വികസനപരവുമായ ബജറ്റ്; കേരള സര്ക്കാരിനെ അഭിനന്ദിച്ച് വ്യവസായി ഡോ. ആസാദ് മൂപ്പന്
Elvis Chummar
Editorial Head · Jaihind TV (Middle East)
Updated Sep 22, 2026
3 min read
858 reads
