മഴ കനക്കുന്നു; വയനാട്ടില് പ്രൊഫഷണല് കോളേജുകള് അടക്കം എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി
വയനാട്: ജില്ലയില് ശക്തമായ മഴയും ഓറഞ്ച് അലര്ട്ടും തുടരുന്ന സാഹചര്യത്തില് നാളെ വയനാട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു. അങ്കണവാടികള്, ട്യൂഷന് സെന്ററുകള്, മതപഠന ശാലകള്, സ്പെഷ്യല് ക്ലാസുകള്, പ്രൊഫഷണല് കോളേജുകള് എന്നിവയുള്പ്പെടെയുള്ള എല്ലാ സ്ഥാപനങ്ങള്ക്കും അവധി ബാധകമായിരിക്കുമെന്ന് ജില്ലാ കളക്ടര് ഡി.ആര് മേഘശ്രീ അറിയിച്ചു. എന്നാല് റസിഡന്ഷ്യല് സ്കൂളുകള്ക്കും കോളേജുകള്ക്കും അവധി ബാധകമല്ല.
അതിശക്തമായ മഴ മുന്നറിയിപ്പിനെ തുടര്ന്ന് ഇന്ന് വയനാട് ഉള്പ്പെടെ 11 ജില്ലകളില് കേന്ദ്ര കാലാവസ്ഥാ വകുപ്പ് ഓറഞ്ച് അലര്ട്ട് പ്രഖ്യാപിച്ചിരുന്നു. ഇതിന്റെ ഭാഗമായി കാസര്കോട്, വയനാട്, എറണാകുളം, ആലപ്പുഴ, കോട്ടയം ജില്ലകളിലും കോഴിക്കോട് ജില്ലയിലെ വടകര, താമരശ്ശേരി താലൂക്കുകളിലും ഇന്ന് വിദ്യാഭ്യാസ സ്ഥാപനങ്ങള്ക്ക് അവധിയായിരുന്നു.
സംസ്ഥാനത്ത് വരും മണിക്കൂറുകളിലും രാത്രിയിലുമായി കൂടുതല് പ്രദേശങ്ങളില് മഴ കനക്കാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കുന്നു. മലയോര മേഖലകളില് പ്രത്യേക ജാഗ്രത നിര്ദ്ദേശം പുറപ്പെടുവിച്ചിട്ടുണ്ട്. കൂടാതെ, കേരളത്തില് ഒറ്റപ്പെട്ടയിടങ്ങളില് ഇന്നും നാളെയും മണിക്കൂറില് 40 മുതല് 50 കി.മീ വരെയും ഓഗസ്റ്റ് 2-ന് 30 മുതല് 40 കി.മീ വരെയും വേഗതയില് ശക്തമായ കാറ്റിനും സാധ്യതയുണ്ട്. മഴക്കെടുതികളും പ്രകൃതിദുരന്ത സാധ്യതകളും കണക്കിലെടുത്ത് പൊതുജനങ്ങള് ജാഗ്രത പാലിക്കണമെന്ന് അധികൃതര് അഭ്യര്ത്ഥിച്ചു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.