തിരുവനന്തപുരം: ശ്രീപത്മനാഭ സ്വാമി ക്ഷേത്രത്തിലെ ആറാട്ട് ഘോഷയാത്രയോടനുബന്ധിച്ച് തിരുവനന്തപുരം നഗരത്തിൽ നാളെ (ചൊവ്വ) ഉച്ചയ്ക്ക് 3 മുതൽ രാത്രി 10 വരെ കർശന ഗതാഗത നിയന്ത്രണം ഏർപ്പെടുത്തിയതായി അധികൃതർ അറിയിച്ചു. വാഴപ്പള്ളി ജംക്‌ഷൻ മുതൽ മിത്രാനന്ദപുരം, ഫോർട്ട് സ്കൂൾ വരെയുള്ള റോഡിലും പടിഞ്ഞാറെ നട മുതൽ ഈഞ്ചയ്ക്കൽ, വള്ളക്കടവ്, ആറാട്ട് ഗേറ്റ് വരെയുള്ള റോഡിലും ഗതാഗതം നിയന്ത്രിച്ചിരിക്കുന്നതോടൊപ്പം ഈ റോഡുകളിൽ പാർക്കിങ് പൂർണ്ണമായി നിരോധിച്ചിട്ടുണ്ട്.
ഘോഷയാത്ര ശംഖുമുഖം ആറാട്ട് കടവിലേക്ക് പോകുന്ന സമയത്തും തിരിച്ചു വരുമ്പോഴും കഴക്കൂട്ടം - കോവളം ബൈപാസ് റോഡിൽ ഈഞ്ചയ്ക്കൽ ജംക്‌ഷനിൽ ഗതാഗതം തടസ്സപ്പെടാൻ സാധ്യതയുണ്ട്. വൈകിട്ട് 6 മുതൽ വാഴപ്പള്ളി ജംക്‌ഷൻ, പടിഞ്ഞാറെ കോട്ട, ശ്രീകണ്ഠേശ്വരം പാർക്ക്, പത്മവിലാസം റോഡ്, കൊത്തളം ജംക്‌ഷൻ എന്നിവിടങ്ങളിൽ നിന്നും വാഹനങ്ങൾ വഴിതിരിച്ചുവിടും.
ആഭ്യന്തര വിമാനത്താവളത്തിലേക്ക് പോകേണ്ട യാത്രക്കാർ കല്ലുംമൂട്, പൊന്നറ, വലിയതുറ വഴി പോകണമെന്ന് നിർദ്ദേശിച്ചിട്ടുണ്ട്. നാളെ രാത്രി 8-നാണ് പള്ളിവേട്ട നടക്കുന്നത്. ഘോഷയാത്ര കടന്നുപോകുന്നതിന്റെ ഭാഗമായി തിരുവനന്തപുരം വിമാനത്താവളത്തിന്റെ പ്രവർത്തനം വൈകിട്ട് 4 മുതൽ രാത്രി 9 വരെ താൽക്കാലികമായി നിർത്തിവെയ്ക്കുന്നതുമാണ്.
ശ്രീപത്മനാഭസ്വാമി ക്ഷേത്ര ആറാട്ട് ; തിരുവനന്തപുരത്ത് നാളെ ഉച്ചയ്ക്ക് 3 മുതൽ രാത്രി 10 വരെ ഗതാഗത നിയന്ത്രണം
Jaihind TV News Report
Jaihind TV Web Desk
2 min read
18 reads
