ദുബായ്: പ്രവാസികളുടെ മുടങ്ങിക്കിടക്കുന്ന പെന്‍ഷന്‍ തുക ഉടന്‍ വിതരണം ചെയ്യുമെന്ന് ആഭ്യന്തര മന്ത്രി രമേശ് ചെന്നിത്തല വ്യക്തമാക്കി. ദുബായില്‍ സംസാരിക്കുകയായിരുന്നു അദ്ദേഹം. മുന്‍ എല്‍.ഡി.എഫ് സര്‍ക്കാര്‍ സംസ്ഥാന ഖജനാവ് തകര്‍ത്ത ശേഷമാണ് അധികാരമൊഴിഞ്ഞതെന്നും, അതിനാല്‍ നിലവില്‍ സംസ്ഥാനത്തിന്റെ സാമ്പത്തിക അവസ്ഥ വളരെ മോശമാണെന്നും അദ്ദേഹം ആരോപിച്ചു.
സാമ്പത്തിക പ്രതിസന്ധികള്‍ നിലനില്‍ക്കുന്നുണ്ടെങ്കിലും പ്രവാസികളുടെ പെന്‍ഷന്‍ മുടങ്ങാതിരിക്കാന്‍ കേരള സര്‍ക്കാര്‍ പരമാവധി ശ്രമിക്കുമെന്ന് ചെന്നിത്തല ഉറപ്പുനല്‍കി. ഇതിനുപുറമെ, പ്രവാസി ഇന്‍ഷുറന്‍സ് പ്രീമിയം വര്‍ധിപ്പിച്ച വിഷയത്തില്‍ മുഖ്യമന്ത്രിയുമായി ആലോചിച്ച് ഉചിതമായ നടപടി പരിശോധിക്കുമെന്നും ആഭ്യന്തര മന്ത്രി കൂട്ടിച്ചേര്‍ത്തു.
പ്രവാസികൾക്ക് ആശ്വാസവാർത്ത; പെൻഷൻ ഉടൻ നൽകുമെന്നും ഇൻഷുറൻസ് പ്രീമിയം വർധനവ് പരിശോധിക്കുമെന്നും ആഭ്യന്തര മന്ത്രി രമേശ് ചെന്നിത്തല
Elvis Chummar
Editorial Head · Jaihind TV (Middle East)
1 min read
454 reads
