അട്ടപ്പാടിയിലെ ശിശുമരണങ്ങളും വികസന പ്രശ്നങ്ങളും രാഷ്ട്രീയ ലാഭത്തിനും കക്ഷിരാഷ്ട്രീയ നേട്ടങ്ങൾക്കും ഉപയോഗിക്കരുതെന്ന് പട്ടികജാതി പട്ടികവർഗ പിന്നാക്ക ക്ഷേമ വകുപ്പ് മന്ത്രി കെ.എ. തുളസി വ്യക്തമാക്കി. കുട്ടികളുടെ മരണം പോലുള്ള അതീവ ഗൗരവമുള്ള വിഷയങ്ങളിൽ മാതാപിതാക്കളുടെയും ബന്ധുക്കളുടെയും മനോവേദന മനസ്സിലാക്കി പ്രതിപക്ഷം ഉത്തരവാദിത്തത്തോടെ പെരുമാറണം. വാർത്ത സൃഷ്ടിക്കലല്ല ജനപ്രതിനിധികളുടെയും ഭരണകൂടത്തിന്റെയും ലക്ഷ്യമെന്നും മന്ത്രി പറഞ്ഞു.
മന്ത്രിയായി ചുമതലയേറ്റ ശേഷം ചുരുങ്ങിയ കാലയളവിൽ ഏഴാം തവണയാണ് അട്ടപ്പാടിയിലെത്തുന്നതെന്നും കെ.എ. തുളസി വ്യക്തമാക്കി. കഴിഞ്ഞ പത്ത് വർഷത്തിനിടെ കെട്ടിടങ്ങളുടെ ഉദ്ഘാടനങ്ങൾക്കല്ലാതെ ആദിവാസി ഊരുകളിൽ നേരിട്ടെത്തി അവരുടെ പ്രശ്നങ്ങളും വേദനകളും കേൾക്കാൻ മുൻ ഭരണകർത്താക്കൾ തയ്യാറായില്ലെന്നും മന്ത്രി വിമർശിച്ചു. തന്റെ പബ്ലിസിറ്റിക്ക് വേണ്ടിയല്ല അട്ടപ്പാടിയിൽ വന്നുപോകുന്നതെന്നും അദ്ദേഹം കൂട്ടിച്ചേർത്തു.
അട്ടപ്പാടിയിലെ ശിശുമരണങ്ങളും വികസന പ്രശ്നങ്ങളും രാഷ്ട്രീയ ലാഭത്തിന് ഉപയോഗിക്കരുത്: മന്ത്രി കെ.എ. തുളസി