Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

ജനകീയതയാണ് IFFK-യുടെ കരുത്ത്; ചലച്ചിത്ര അക്കാദമിയെയും ചെയർമാൻ രവീന്ദ്രനെയും പ്രശംസിച്ച് മന്ത്രി പി.സി. വിഷ്ണുനാഥ്

ജനകീയതയാണ് IFFK-യുടെ കരുത്ത്; ചലച്ചിത്ര അക്കാദമിയെയും ചെയർമാൻ രവീന്ദ്രനെയും പ്രശംസിച്ച് മന്ത്രി പി.സി. വിഷ്ണുനാഥ്

തിരുവനന്തപുരം: 31-ാമത് കേരള രാജ്യാന്തര ചലച്ചിത്രമേളയുടെ (IFFK 2026) വേദിയൊരുക്കൽ ചടങ്ങിൽ കേരള സംസ്ഥാന ചലച്ചിത്ര അക്കാദമിയെയും ചെയർപേഴ്സൺ രവീന്ദ്രൻ ഏലിയാസിന്റെ നേതൃത്വത്തെയും പ്രശംസിച്ച് സാംസ്കാരിക, ടൂറിസം വകുപ്പ് മന്ത്രി പി.സി. വിഷ്ണുനാഥ്. അക്കാദമിയുടെ പ്രവർത്തനങ്ങൾക്ക് ഏത് ഘട്ടത്തിലും ആവശ്യമായ എല്ലാ സഹായങ്ങളും നൽകാൻ സർക്കാർ സന്നദ്ധമാണെന്ന് മന്ത്രി വ്യക്തമാക്കി. ചലച്ചിത്ര വികസന കോർപ്പറേഷൻ (KSFDC) ചെയർമാൻ പ്രേംകുമാർ, വൈസ് ചെയർമാൻ ആലപ്പി അഷ്റഫ്, കേരള സാംസ്കാരിക പ്രവർത്തക ക്ഷേമനിധി ബോർഡ് ചെയർമാൻ എം. രഞ്ജിത്ത്, ചലച്ചിത്ര അക്കാദമി വൈസ് ചെയർമാൻ പ്രിയങ്ക നായർ എന്നിവരും ചടങ്ങിൽ പങ്കെടുത്തു.

ലോകമെമ്പാടുമുള്ള ചലച്ചിത്ര പ്രേമികൾ ഏറെ താൽപ്പര്യത്തോടെ ഉറ്റുനോക്കുന്ന മേളയാണ് ഐഎഫ്എഫ്കെ എന്ന് മന്ത്രി പറഞ്ഞു. മറ്റ് ചലച്ചിത്രമേളകളിൽ നിന്നും വ്യത്യസ്തമായി തിരുവനന്തപുരത്തെ മേളയെ വേറിട്ടുനിർത്തുന്നത് അതിന്റെ ജനകീയതയാണ്. മേള ജനകീയമായി സംഘടിപ്പിക്കുന്നതിൽ അക്കാദമിക്ക് ഒട്ടേറെ പ്രയാസങ്ങൾ നേരിടേണ്ടി വരാറുണ്ടെങ്കിലും, ജനകീയതയ്ക്ക് ഒട്ടും കുറവുവരാത്ത രീതിയിൽ ഓരോ വർഷവും മേളയെ കൂടുതൽ മികവുറ്റതാക്കാൻ അക്കാദമി പ്രത്യേകം ശ്രദ്ധിക്കാറുണ്ടെന്നും അദ്ദേഹം കൂട്ടിച്ചേർത്തു.

വേദിയൊരുക്കൽ ചടങ്ങിലൂടെ മേളയുടെ അടിസ്ഥാന സൗകര്യ നിർമ്മാണ പ്രവർത്തനങ്ങൾക്ക് മാത്രമാണ് ഇന്ന് തുടക്കമാകുന്നതെന്നും, മേളയുമായി ബന്ധപ്പെട്ട മറ്റ് പ്രവർത്തനങ്ങൾ മാസങ്ങൾക്ക് മുൻപേ ആരംഭിച്ചിരുന്നതായും മന്ത്രി ചൂണ്ടിക്കാട്ടി. ഇത്തവണ മേളയിലേക്ക് 836-ഓളം സിനിമകളാണ് എത്തിയത്; കഴിഞ്ഞ വർഷത്തേക്കാൾ 36 സിനിമകൾ കൂടുതലാണിത്. സെലക്ഷൻ കമ്മിറ്റി ജൂറി തിരഞ്ഞെടുത്ത ചിത്രങ്ങളുടെ പട്ടിക ഇതിനോടകം മാധ്യമങ്ങളിലൂടെ പുറത്തുവിട്ടിട്ടുണ്ട്. ഈ സിനിമകൾക്ക് സെൻസർ എക്സംപ്ഷൻ (Censor Exemption) ലഭിക്കുന്നതിനുള്ള നടപടികളും അക്കാദമി പൂർത്തിയാക്കിക്കഴിഞ്ഞു.

കഴിഞ്ഞ വർഷത്തേതുപോലെ നവംബർ 25-ന് തന്നെ ഡെലിഗേറ്റ് രജിസ്ട്രേഷൻ ആരംഭിക്കാൻ കഴിയുമെന്ന് ചെയർമാനും ഭരണസമിതിയും അറിയിച്ചിട്ടുണ്ടെന്ന് മന്ത്രി വ്യക്തമാക്കി. ഒരു മേള സമാപിക്കുന്ന നിമിഷം മുതൽ അടുത്ത മേളയ്ക്കായുള്ള കാത്തിരിപ്പാണ് ഓരോ ചലച്ചിത്ര പ്രേമിക്കും ഉണ്ടാവുക. താനും ആ കാത്തിരിപ്പ് നേരിട്ട് അനുഭവിച്ചറിഞ്ഞ ആളാണെന്നും മന്ത്രി ഓർമ്മിപ്പിച്ചു.

ഡിസംബർ 11-ന് മേളയ്ക്ക് തിരിതെളിയുമ്പോൾ അതിന്റെ ഭാഗമാകാൻ 10,000 മുതൽ 15,000 വരെ പ്രതിനിധികളാണ് ആകാംക്ഷയോടെ കാത്തിരിക്കുന്നത്. ഐഎഫ്എഫ്കെ എന്നത് കേവലം സിനിമ കാണൽ മാത്രമല്ല, അതൊരു വലിയ ചലച്ചിത്ര ഉത്സവം തന്നെയാണ്. മേളയ്ക്കായുള്ള മുന്നൊരുക്കങ്ങൾ മികച്ച രീതിയിൽ മുന്നോട്ടു കൊണ്ടുപോകുന്നതിൽ രവീന്ദ്രന്റെ നേതൃത്വത്തിലുള്ള ഭരണസമിതിക്കൊപ്പം ഉദ്യോഗസ്ഥരും മറ്റ് ജീവനക്കാരും തങ്ങളുടെ ഉത്തരവാദിത്തങ്ങൾ കൃത്യമായി നിർവഹിക്കുന്നുണ്ടെന്നും, ഇത്തവണത്തെ മേള അവിസ്മരണീയമായ ഒരു ചലച്ചിത്ര ഉത്സവമായി മാറട്ടെയെന്ന് ആശംസിക്കുന്നതായും മന്ത്രി പറഞ്ഞു.

Related articles

See all
Popular News

30 വർഷങ്ങൾക്ക് ശേഷം മാണിക്യനും കാർത്തുമ്പിയും വീണ്ടും തിയറ്ററുകളിലേക്ക്; ‘തേന്മാവിൻ കൊമ്പത...

Popular News

'യേഴു കടൽ യേഴു മലൈ' ആഗോള റിലീസ് ഇന്ന്; പ്രിവ്യു ഷോയിൽ മികച്ച പ്രതികരണവുമായി നിവിൻ പോളി - റ...

Popular News

"സാധാരണക്കാരുടെ ജീവിതപ്രശ്നങ്ങൾ കിടക്കുമ്പോഴാണ് ഇത്തരക്കാരുടെ വ്യക്തിഗത തർക്കങ്ങൾ"; 'അമ്മ'...

Popular News

32 വർഷങ്ങൾക്ക് ശേഷം കൂടുതൽ മിഴിവോടെ; ‘തേന്മാവിൻ കൊമ്പത്ത്’ റീ റിലീസ് ഒക്ടോബർ 1-ന്

Save your stories

Sign in