തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ഇത്തവണത്തെ ക്രിസ്മസ്-ന്യൂ ഇയര്‍ ബംപര്‍ ലോട്ടറിയുടെ ഒന്നാം സമ്മാനത്തുക 25 കോടി രൂപയായി ഉയര്‍ത്തി. കഴിഞ്ഞ വര്‍ഷം വരെ 20 കോടിയായിരുന്ന സമ്മാനത്തുകയിലാണ് ഇത്തവണ 5 കോടി രൂപയുടെ വര്‍ധനവ് വരുത്തിയത്. ഓണം ബംപറിന് തുല്യമായ സമ്മാനത്തുക ലഭിക്കുന്നതോടെ ഇത്തവണ ബംപര്‍ ലോട്ടറിയില്‍ വലിയ സമ്മാനമഴയാണ് കാത്തിരിക്കുന്നത്.
നവംബര്‍ 28 മുതല്‍ ടിക്കറ്റുകള്‍ ലോട്ടറി വിപണിയില്‍ ലഭ്യമാകും. 450 രൂപയാണ് ടിക്കറ്റ് വില. ഒന്നാം സമ്മാനത്തിന് പുറമേ രണ്ടാം സമ്മാനമായി 24 പേര്‍ക്ക് ഒരു കോടി രൂപ വീതം ലഭിക്കും. 2027 ഫെബ്രുവരി ഒന്നിനാണ് നറുക്കെടുപ്പ് നടക്കുക. മുന്‍വര്‍ഷങ്ങളേക്കാള്‍ മികച്ച ടിക്കറ്റ് വില്‍പന പ്രതീക്ഷിക്കുന്ന ഭാഗ്യക്കുറി വകുപ്പ്, ഏജന്‍സികള്‍ മുഖേനയുള്ള വിതരണത്തിനുള്ള പ്രാഥമിക ഒരുക്കങ്ങള്‍ ഇതിനോടകം ആരംഭിച്ചു കഴിഞ്ഞു.
അടിച്ചാല്‍ 25 കോടി; ക്രിസ്മസ്-ന്യൂ ഇയർ ബംപർ സമ്മാനത്തുക വീണ്ടും കൂട്ടി, ടിക്കറ്റ് വിൽപന നവംബർ 28 മുതൽ
Jaihind TV News Report
Jaihind TV Web Desk
1 min read
166 reads
