സംസ്ഥാനത്തെ സാധാരണക്കാരായ രോഗികൾക്ക് വലിയ ആശ്വാസമേകിക്കൊണ്ട് കാരുണ്യ ആരോഗ്യ സുരക്ഷാ പദ്ധതികൾക്കായി 600 കോടി രൂപയുടെ അധിക ഫണ്ട് യു.ഡി.എഫ് സർക്കാർ അനുവദിച്ചു. സാമ്പത്തിക പ്രതിസന്ധിയും കുടിശിക പെരുകിയതും കാരണം പ്രതിസന്ധിയിലായ പദ്ധതിക്ക് ജീവൻ പകരുന്നതാണ് സർക്കാരിന്റെ ഈ പുതിയ തീരൂമാനം.
കുടിശിക തീർത്ത് ക്ലെയിമുകൾ തടസ്സമില്ലാതെ വേഗത്തിൽ സെറ്റിൽ ചെയ്യുന്നതിനാണ് ഈ തുക പ്രധാനമായും വിനിയോഗിക്കുക. ഫണ്ട് ലഭ്യമാകുന്നതോടെ സംസ്ഥാനത്ത് താളംതെറ്റിയ നിലയിലായിരുന്ന ആരോഗ്യ സുരക്ഷാ പദ്ധതികൾ കൂടുതൽ സജീവമാവുകയും പാവപ്പെട്ട രോഗികൾക്ക് തടസ്സമില്ലാതെ ചികിത്സാ സഹായം ഉറപ്പാക്കാൻ സാധിക്കുകയും ചെയ്യും.
