മാജിക് മൂണ്‍ പ്രൊഡക്ഷന്‍സിന്റെ ബാനറില്‍ രാജീവ് ഗോവിന്ദന്‍ നിര്‍മ്മിച്ച് ജിതിന്‍ കെ. ജോസ് സംവിധാനം ചെയ്യുന്ന ജയസൂര്യ ചിത്രം 'മായന്‍' സിനിമയുടെ ആഗോള മ്യൂസിക് റൈറ്റ്സ് പ്രമുഖ കമ്പനിയായ യൂണിവേഴ്‌സല്‍ മ്യൂസിക് ഗ്രൂപ്പ് (UMG) സ്വന്തമാക്കി. ലോകമെമ്പാടുമുള്ള സംഗീത രംഗത്തെ മുന്‍നിര കമ്പനിയായ യൂണിവേഴ്‌സല്‍ മ്യൂസിക് ഗ്രൂപ്പ്, 2013-ന് ശേഷം ഈ രംഗത്തേക്ക് വീണ്ടും തിരിച്ചെത്തുന്നത് 'മായന്‍' എന്ന ചിത്രത്തിലൂടെയാണെന്നത് മലയാള സിനിമയ്ക്ക് ഏറെ അഭിമാനകരമായ നേട്ടമാണ്.
13 വര്‍ഷത്തെ ഇടവേളയ്ക്ക് ശേഷമുള്ള അവരുടെ ഈ തിരിച്ചുവരവ് സിനിമയ്ക്കും വലിയ പ്രതീക്ഷയാണ് നല്‍കുന്നത്. നിരവധി പ്രത്യേകതകളോടെ ഒരുങ്ങുന്ന ചിത്രം ഡിസംബര്‍ 3-ന് തിയേറ്ററുകളില്‍ പ്രദര്‍ശനത്തിനെത്തും. ജയസൂര്യ നായകനാകുന്ന ഈ ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ അന്തിമഘട്ടത്തിലാണ്. പി.ആര്‍.ഒ: വാഴൂര്‍ ജോസ്.
