കൊച്ചി: പ്രമുഖ ആഗോള വ്യവസായ ശൃംഖലയായ 'വെസ്റ്റേണ്‍ ഇന്റര്‍നാഷണല്‍ ഗ്രൂപ്പ്' തങ്ങളുടെ മുന്‍നിര ബ്രാന്‍ഡുകളായ 'ജീപാസ്' (Geepas), 'റോയല്‍ഫോര്‍ഡ്' (Royalford) ഉല്‍പ്പന്നങ്ങള്‍ ഇന്ത്യന്‍ വിപണിയില്‍ എത്തിച്ചു. അതിവേഗം വളരുന്ന ഇന്ത്യന്‍ ഉപഭോക്തൃ വിപണി ലക്ഷ്യമിട്ട് വന്‍ വികസന പദ്ധതികള്‍ക്കാണ് ഗ്രൂപ്പ് തുടക്കം കുറിക്കുന്നത്. വാര്‍ത്താസമ്മേളനത്തില്‍ വെസ്റ്റേണ്‍ ഇന്റര്‍നാഷണല്‍ ഗ്രൂപ്പ് മാനേജിംഗ് ഡയറക്ടര്‍ ടി.എന്‍. നിസാര്‍ ആണ് ഇക്കാര്യം അറിയിച്ചത്.
40 വര്‍ഷത്തിലേറെ പ്രവര്‍ത്തന പാരമ്പര്യമുള്ള ജീപാസിന്റെ ഹോം അപ്ലയന്‍സസ്, കിച്ചണ്‍ അപ്ലയന്‍സസ്, ഇലക്ട്രോണിക്‌സ്, ലൈറ്റിംഗ്, പേഴ്‌സണല്‍ കെയര്‍, ലൈഫ് സ്‌റ്റൈല്‍ വിഭാഗങ്ങളിലായി 1,100-ലധികം ഉല്‍പ്പന്നങ്ങളാണ് വിപണിയിലെത്തിക്കുന്നത്. മികച്ച ഡിസൈനും ഈടുറ്റ ഗുണമേന്മയുമുള്ള റോയല്‍ഫോര്‍ഡിന്റെ പ്രീമിയം കിച്ചണ്‍വെയര്‍, ഹോംവെയര്‍ ഉല്‍പ്പന്നങ്ങളും ഇതോടൊപ്പം ഇന്ത്യന്‍ ഉപഭോക്താക്കള്‍ക്ക് ലഭ്യമാകും.
ഗ്രൂപ്പ് സീനിയര്‍ വൈസ് പ്രസിഡന്റ് നിവിന്‍ പണിക്കര്‍, സാജിദ് ചീരോത്ത്, ശ്രീദത്ത് വിശ്വനാഥന്‍ തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.
ജീപാസും റോയല്‍ഫോര്‍ഡും ഇന്ത്യന്‍ വിപണിയിലേക്ക്; വന്‍ വികസന പദ്ധതികളുമായി വെസ്റ്റേണ്‍ ഇന്റര്‍നാഷണല്‍ ഗ്രൂപ്പ്
Jaihind TV News Report
Jaihind TV Web Desk
Updated Oct 12, 2026
2 min read
565 reads
