ദുലീപ് ട്രോഫി: സൗത്ത് സോണ് നയിക്കാൻ തിലക് വർമ; കേരളത്തിൽ നിന്ന് എം.ഡി. നിധീഷിന് ഇടം
ഹൈദരാബാദ്: വരാനിരിക്കുന്ന ദുലീപ് ട്രോഫിക്കായുള്ള 15 അംഗ സൗത്ത് സോൺ ടീമിനെ പ്രഖ്യാപിച്ചു. ഇന്ത്യൻ ടി20 ടീമിന്റെ വൈസ് ക്യാപ്റ്റനും യുവതാരവുമായ തിലക് വർമയെ ടീമിന്റെ നായകനായി തെരഞ്ഞെടുത്തു. ആന്ധ്രയുടെ റിക്കി ഭുയ് വൈസ് ക്യാപ്റ്റനായിരിക്കും.
ഓഗസ്റ്റ് 23 മുതൽ സെപ്റ്റംബർ 10 വരെ ബെംഗളൂരുവിലെ ബിസിസിഐ സെന്റർ ഓഫ് എക്സലൻസിലാണ് ദുലീപ് ട്രോഫി മത്സരങ്ങൾ നടക്കുക. ആന്ധ്രയുടെ പരിചയസമ്പന്നനായ ലെവൽ-2 കോച്ച് എം. എൻ. വിക്രം വർമയാണ് ടീമിന്റെ മുഖ്യപരിശീലകൻ.
സിംബാബ്വെയെതിരായ ടി20 പരമ്പര 3-0ന് സ്വന്തമാക്കിയ ഇന്ത്യൻ ടീമിൽ അംഗമായിരുന്ന തിലക് വർമയാണ് ഇപ്പോൾ സൗത്ത് സോണിന്റെ ചുമതല ഏറ്റെടുക്കുന്നത്.
വെറ്ററൻ ബാറ്റർ കരുണ് നായർ, 2025-26 രഞ്ജി ട്രോഫിയിൽ 950 റൺസുമായി ടോപ് സ്കോററായ കർണാടകയുടെ ആർ. സ്മരൺ, ഹൈദരാബാദിന്റെ കെ. ഹിമതേജ എന്നിവരും ടീമിൽ ഇടംപിടിച്ചു.
ശ്രീലങ്ക എ ടീമിനെതിരായ പരമ്പര വിജയിച്ച ഇന്ത്യ എ ടീമിലുണ്ടായിരുന്ന ഷെയ്ഖ് റഷീദ്, ഗോവയുടെ അഭിനവ് തേജ്റാൻ എന്നിവരും ടീമിന്റെ ഭാഗമാണ്. ശ്രീലങ്കൻ പര്യടനത്തിലെ ഇന്ത്യ എ ടീമംഗമായ തമിഴ്നാട്ടിന്റെ എൻ. ജഗദീശൻ വിക്കറ്റ് കീപ്പറുടെ ചുമതല വഹിക്കും.
ബൗളിംഗ് നിരയിൽ ഇടംകൈയൻ സ്പിന്നർ തനയ് ത്യാഗരാജൻ, ലെഗ് സ്പിന്നർ ശ്രേയസ് ഗോപാൽ എന്നിവർ സ്പിൻ ആക്രമണത്തിന് നേതൃത്വം നൽകും. പേസ് ബൗളിംഗ് വിഭാഗത്തിൽ കെ. സായ് തേജ, ത്രിപുരണ വിജയ്, വിദ്വത് കാവേരപ്പ, എം.ഡി. നിധീഷ് എന്നിവരാണ് ഉൾപ്പെട്ടിരിക്കുന്നത്.
കേരളത്തിൽ നിന്ന് ടീമിൽ ഇടം നേടിയ ഏക താരമാണ് പേസർ എം.ഡി. നിധീഷ്. മികച്ച ആഭ്യന്തര പ്രകടനത്തിന്റെ കരുത്തിലാണ് നിധീഷ് സൗത്ത് സോൺ ടീമിൽ ഇടം നേടിയത്.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.