മുസ്ലീം ലീഗ് ദേശീയ ഉന്നതാധികാര സമിതി യോഗം പാണക്കാട് ആരംഭിച്ചു. അയോധ്യ തർക്കഭൂമി വിഷയത്തിൽ സുപ്രീം കോടതിയുടെ നിർണായക വിധി വന്ന പശ്ചാത്തലത്തിലാണ് ലീഗ് നേതൃയോഗം ചേരുന്നത്. സംസ്ഥാന അധ്യക്ഷനും – ദേശീയ ഉപദേശക സമിതി ചെയർമാനുമായ ഹൈദരലി ശിഹാബ് തങ്ങൾ, ദേശീയ പ്രസിഡന്റ് കെ എം ഖാദർ മൊയ്തീൻ, ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി, സംസ്ഥാന ജനറൽ സെക്രട്ടറി കെ പി എ മജീദ്, ഉന്നതാധികാര സമിതി അംഗങ്ങളായ സാദിഖലി ശിഹാബ് തങ്ങൾ, ട്രഷറർ പിവി അബ്ദുൽ വഹാബ് എംപി, ഇ ടി മുഹമ്മദ് ബഷീർ തമിഴ്‌നാട് നിന്നുള്ള എം.പി നവാസ് ഖനി, എം പി അബ്ദു സമദ് സമദാനി, യൂത്ത് ലീഗ് സംസ്ഥാന സെക്രട്ടറി പി കെ ഫിറോസ്, ടിപി അഷറഫലി എന്നവർ യോഗത്തിൽ പങ്കെടുക്കുന്നുണ്ട്.
