ആലപ്പുഴ : പരസ്യം ചില സത്യങ്ങള്‍ തുറന്നു പറഞ്ഞു. ബിജെപിയെ സഹായിക്കാനുള്ള സിപിഎം രീതിയാണിതെന്നും എഐസിസി ജനറല്‍ സെക്രട്ടറി കെ സി വേണുഗോപാല്‍ എംപി പറഞ്ഞു. ബിജെപിക്ക് ജയം ഒരുക്കി കൊടുക്കാനുള്ള പരസ്യ ഒത്താശ ചെയ്ത് കൊടുക്കുകയാണ് സിപിഎമ്മെന്നും അദ്ദേഹം മാധ്യമങ്ങളോട് പറഞ്ഞു.
സിപിഐ എന്തുകൊണ്ട് മിണ്ടാതിരിക്കുന്നുവെന്നും അദ്ദേഹം ചോദിച്ചു. ന്യൂനപക്ഷ വോട്ട് യുഡിഎഫിലെത്തുന്നത് തടയാനായിരുന്നു സിപിഎമ്മിന്റെ ശ്രമം. ബിജെപിയുടെ താല്പര്യപ്രകാരം നല്‍കിയ പരസ്യം സിപിഎമ്മിന് തന്നെ തിരിച്ചടിയാകും. ബിജെപിയുടെ അടുക്കളയിലുണ്ടാക്കുന്ന വിഭവം വില്‍ക്കാനുള്ള കൗണ്ടറായി സിപിഎം മാറിയെന്നും അദ്ദേഹം പരിഹസിച്ചു. അതെസമയം സന്ദീപ് ബിജെപി വിട്ടതില്‍ അവര്‍ക്കില്ലാത്ത വേദനയാണ് സിപിഎമ്മിനെന്നും അദ്ദേഹം കൂട്ടിചേര്‍ത്തു.
