ഡല്‍ഹി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹിയിൽ യൂത്ത് കോൺഗ്രസിന്റെ നേതൃത്വത്തിൽ ഇന്നും ശക്തമായ പ്രതിഷേധം അരങ്ങേറി. വിജയദശമി ദസ്റ ആഘോഷങ്ങളുടെ പശ്ചാത്തലത്തിൽ, തിന്മയുടെ പ്രതീകമായ രാവണന്റെ കോലം കത്തിക്കുന്നത് പോലെ ഗ്യാനേഷ് കുമാറിന്റെ കോലം കത്തിച്ചാണ് പ്രവർത്തകർ പ്രതിഷേധം അറിയിച്ചത്.
യൂത്ത് കോൺഗ്രസ് ദേശീയ പ്രസിഡന്റ് ഉദയ് ഭാനു ചിബ് ഈ പ്രതിഷേധ പരിപാടികൾക്ക് നേതൃത്വം നൽകി. വോട്ട് മോഷണവും അതിന്റെ പശ്ചാത്തലവും രാവണനുമായി ബന്ധിപ്പിച്ചുകൊണ്ടുള്ള ഒരു പ്രത്യേക നാടക അവതരണത്തിന് ശേഷമാണ് മുഖ്യ തെരഞ്ഞെടുപ്പ് കമ്മീഷണറുടെ കോലം കത്തിച്ചത്.
