K S U| കേരളത്തിലെ മത നിരപേക്ഷ വിദ്യാഭ്യാസ അന്തരീക്ഷം തകര്ക്കുകയാണ് ആര്.എസ്.എസ് അജണ്ട; വി.സിമാര് സംഘപരിവാര് വേദിയിലെത്തിയത് പ്രതിഷേധാര്ഹം: കെ.എസ്.യു
Jaihind TV News Report
Jaihind TV Web Desk
July 27, 2025
1 min read
•
Updated: June 09, 2026
ആര്.എസ്.എസ് ദേശീയ വിദ്യാഭ്യാസ ഉച്ചകോടിയില് കേരളത്തില് നിന്നുള്ള നാല് വിസിമാര് പങ്കെടുത്ത നടപടി പ്രതിഷേധാര്ഹമെന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര്. കേരള സര്വകലാശാല , കണ്ണൂര്, കാലിക്കറ്റ്, കുഫോസ് വിസിമാരാണ് ആര്.എസ്.എസ് വേദിയിലെത്തിയത്.
കേരളത്തിലെ മത നിരപേക്ഷ വിദ്യാഭ്യാസ അന്തരീക്ഷം തകര്ക്കാനാണ് ആര്.എസ്.എസ് ശ്രമിക്കുന്നത്. ഇതിനുള്ള ഏജന്റുമാരായി കേരളത്തിലെ വിസിമാരെ മാറ്റുകയാണ്. ആര്.എസ്.എസിന്റെ നാഗ്പൂര് ആസ്ഥാനത്ത് നിന്നല്ല വൈസ്ചാന്സലര്
മാര്ക്ക് ശമ്പളം ലഭിക്കുന്നതെന്ന് ഓര്മ്മ വേണമെന്നും കെ.എസ്.യു സംസ്ഥാന പ്രസിഡന്റ് വിമര്ശിച്ചു.
പരിപാടിയില് പങ്കെടുക്കാന് മൗനാനുവാദം നല്കുന്ന നിലപാടാണ് ഉന്നത വിദ്യാഭ്യാസ മന്ത്രി സ്വീകരിച്ചത്.ഗവര്ണ്ണറെ തൃപ്തിപ്പെടുത്തുക വഴി കാവി വത്കരണത്തിനുള്ള വഴി വെട്ടുകയാണ് സര്ക്കാര്.പരിപാടിയില് പങ്കെടുക്കുന്നതിന് വൈസ് ചാന്സലര്മാരെ വിലക്കിയിട്ടില്ലന്ന ഉന്നത വിദ്യാഭ്യാസ മന്ത്രിയുടെ പ്രതികരണം ഇത് ശരി വെക്കുന്നതാണെന്നും അലോഷ്യസ് സേവ്യര് കുറ്റപ്പെടുത്തി.
ഉന്നത വിദ്യാഭ്യാസ മേഖലയിലെ ആര്.എസ്.എസ് അജണ്ട നടപ്പിലാക്കാനുള്ള ശ്രമങ്ങളെ കെ.എസ്.യു ശക്തമായി പ്രതിരോധിക്കുമെന്നും ഗവര്ണ്ണര് - സര്ക്കാര് നാടകം തുറന്നു കാട്ടുന്ന പ്രതിഷേധ പരിപാടികള് സംഘടിപ്പിക്കുമെന്നും കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര് വ്യക്തമാക്കി.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10