പൊതു വിദ്യാലയങ്ങളിലെ അധ്യാപകര് സ്വകാര്യ ട്യൂഷന് സ്ഥാപനങ്ങളില് ജോലി ചെയ്യാന് പാടില്ല ; മന്ത്രി വി ശിവന്കുട്ടി
Jaihind TV News Report
Jaihind TV Web Desk
December 17, 2024
1 min read
•
Updated: June 06, 2026
തിരുവനന്തപുരം: പൊതു വിദ്യാലയങ്ങളിലെ അധ്യാപകര് സ്വകാര്യ ട്യൂഷന് സ്ഥാപനങ്ങളില് ജോലി ചെയ്യാന് പാടില്ലെന്ന് പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവന്കുട്ടി. സര്ക്കാര് ജോലിയില് ഇരിക്കെ ഇത്തരം നടപടികള് കൈക്കൊള്ളുന്നത് ചട്ടവിരുദ്ധമാണ്. ഇക്കാര്യങ്ങള് പോലീസ് വിജിലന്സും പൊതു വിദ്യാഭ്യാസ വകുപ്പിലെ വിജിലന്സും കര്ശനമായി പരിശോധിക്കും. കുറ്റക്കാരെന്ന് കണ്ടാല് നടപടിയും കൈക്കൊള്ളുമെന്ന് മന്ത്രി വ്യക്തമാക്കി.
അധ്യാപക തസ്തികകള് ഉണ്ടായാല് നിയമിക്കാന് പി എസ് സി ലിസ്റ്റുകള് തന്നെ നിലവില് ഉണ്ടെന്നും മന്ത്രി മുന്നറിയിപ്പ് നല്കി. സ്വകാര്യ ട്യൂഷന് സ്ഥാപനങ്ങളില് ജോലി ചെയ്യുന്ന അധ്യാപകരെ കുറിച്ച് പൊതുവിദ്യാഭ്യാസ വകുപ്പിനെ അറിയിക്കാന് പി ടി എ അധികൃതരോട് മന്ത്രി അഭ്യര്ത്ഥിച്ചു. കേരളത്തില് പൊതു വിദ്യാഭ്യാസ മേഖല പുഷ്ടിപ്പെട്ടത് പൊതു സമൂഹത്തിന്റെയാകെ പിന്തുണയോടെയാണ്. ആ പിന്തുണ തുടരണമെന്നും വി ശിവന്കുട്ടി വാര്ത്താകുറിപ്പില് പറഞ്ഞു.
പരീക്ഷ പേപ്പറിലെ ചില ചോദ്യങ്ങള് യൂട്യൂബ് ചാനലില് വന്നതിനെ കുറിച്ചുള്ള ശക്തമായ അന്വേഷണം നടക്കുകയാണ്. ഇതുമായി ബന്ധപ്പെട്ട് കര്ശനമായ നടപടികളാണ് കൈക്കൊള്ളുമെന്നും മന്ത്രി വ്യക്തമാക്കി.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10