തിരുവനന്തപുരം: വനിതാ-ശിശുക്ഷേമ വകുപ്പിന് കീഴിലുള്ള കുട്ടികളുടെ സംരക്ഷണ കേന്ദ്രങ്ങളിലെ കുട്ടികൾക്കും ഓണം ആഘോഷിക്കാൻ പ്രത്യേക ധനസഹായം. സംസ്ഥാനത്തെ 16 സംരക്ഷണ കേന്ദ്രങ്ങളിലെ 250 കുട്ടികൾക്കായി രണ്ട് ലക്ഷം രൂപ സർക്കാർ അനുവദിച്ചു.
ഓണക്കാലത്തും സംരക്ഷണ കേന്ദ്രങ്ങളിൽ കഴിയുന്ന കുട്ടികൾക്ക് ആഘോഷത്തിന്റെ സന്തോഷം പകരുക എന്ന ലക്ഷ്യത്തോടെയാണ് പ്രത്യേക തുക അനുവദിച്ചത്. വനിതാ-ശിശുക്ഷേമ വകുപ്പ് മന്ത്രി ആവശ്യപ്പെട്ടതിനെ തുടർന്ന് മുഖ്യമന്ത്രിയുടെ നിർദേശപ്രകാരമാണ് കേരള ഫിനാൻഷ്യൽ കോർപ്പറേഷൻ രണ്ട് ലക്ഷം രൂപ അനുവദിച്ചത.
സംസ്ഥാനത്തെ 16 സംരക്ഷണ കേന്ദ്രങ്ങളിലെ കുട്ടികൾക്കായി ഓണസദ്യ ഒരുക്കും. കൂടാതെ ഔട്ടിംഗിനും സിനിമ കാണുന്നതിനുമുള്ള സൗകര്യവും ഏർപ്പെടുത്തും. ഓണദിനങ്ങളിലും തുടർന്നും കുട്ടികൾക്ക് സന്തോഷകരമായ അനുഭവം ഒരുക്കുന്നതിനാണ് പരിപാടികൾ സംഘടിപ്പിക്കുന്നത്. 250 കുട്ടികൾക്കും ഓണത്തിന്റെ ആഘോഷവും കൂട്ടായ്മയും സമ്മാനിക്കുകയാണ് പദ്ധതിയുടെ ലക്ഷ്യം
