കൊച്ചി: മാസപ്പടി ഹവാല ഇടപാട് കേസിൽ സിംഗിൾ ബെഞ്ച് ഉത്തരവിന്മേൽ ഹൈക്കോടതിയുടെ അടിയന്തര സ്റ്റേയില്ല. പ്രതിപക്ഷ നേതാവ് പിണറായി വിജയൻ അടക്കമുള്ളവർ നൽകിയ അപ്പീലുകൾ ഫയലിൽ സ്വീകരിക്കണോ എന്നതിൽ കോടതി വിധി പറയാൻ മാറ്റി. അപ്പീൽ സ്വീകരിക്കുന്നതിൽ ആദ്യം തീരുമാനമെടുക്കട്ടെ എന്നും, അതിനുശേഷം സ്റ്റേ അടക്കമുള്ള കാര്യങ്ങൾ പരിഗണിക്കാമെന്നും കോടതി വ്യക്തമാക്കി. ഹർജിക്കാർ അടിയന്തര സ്റ്റേ വേണമെന്ന് ആവശ്യപ്പെട്ടെങ്കിലും കോടതി ഇത് തൽക്കാലം അനുവദിച്ചില്ല.
കൂടാതെ പ്രതികളുടെ അപ്പീലിനെ എൻഫോഴ്സ്മെന്റ് ഡയറക്ടറേറ്റ് (ഇ.ഡി) ശക്തമായി എതിർത്തു. സിംഗിൾ ബെഞ്ച് ഉത്തരവിനെതിരെ പ്രതികൾക്ക് എങ്ങനെ അപ്പീൽ നൽകാൻ കഴിയുമെന്നതായിരുന്നു ഇ.ഡിയുടെ പ്രധാന ചോദ്യം.
