കണ്ണൂര്‍: കണ്ണൂര്‍ അഞ്ചരക്കണ്ടി ഡെന്റല്‍ കോളേജ് വിദ്യാര്‍ത്ഥി നിതിന്‍ രാജിന്റെ മരണവുമായി ബന്ധപ്പെട്ട കേസില്‍ അറസ്റ്റിലായ ഡോ. എം.കെ. റാമിനെ കോടതി റിമാന്‍ഡ് ചെയ്തു. തലശ്ശേരി പ്രിന്‍സിപ്പല്‍ സെഷന്‍സ് കോടതിയാണ് റാമിനെ 14 ദിവസത്തേക്ക് റിമാന്‍ഡ് ചെയ്തത്. ഉത്തരവിനെ തുടര്‍ന്ന് പ്രതിയെ കണ്ണൂര്‍ സബ് ജയിലിലേക്ക് മാറ്റി.
തലശ്ശേരി പ്രിന്‍സിപ്പല്‍ സെഷന്‍സ് കോടതിയുടെ പ്രത്യേക അനുമതി ലഭിച്ചതിന് പിന്നാലെയാണ് വ്യാഴാഴ്ച വൈകീട്ടോടെ പുതിയ അന്വേഷണ സംഘം ഡോ. റാമിന്റെ അറസ്റ്റ് രേഖപ്പെടുത്തിയത്. അതേസമയം, അന്വേഷണ സംഘം സമര്‍പ്പിച്ച അറസ്റ്റ് അപേക്ഷയില്‍ കോടതി അന്തിമ തീരുമാനമെടുക്കും മുന്‍പ് തന്നെ റാം കണ്ണൂര്‍ ക്രൈംബ്രാഞ്ച് ഓഫീസില്‍ ഹാജരായിരുന്നു.
നേരത്തെ, കൃത്യമായ നടപടിക്രമങ്ങള്‍ പാലിക്കാതെ അറസ്റ്റ് ചെയ്തതിനെ തുടര്‍ന്ന് ഡോ. എം.കെ. റാമിനെ കോടതി വിട്ടയച്ചിരുന്നു. തുടര്‍ന്ന് നിയമപരമായ നടപടികള്‍ പൂര്‍ത്തിയാക്കിയാണ് പുതിയ അന്വേഷണ സംഘം ഇയാളെ വീണ്ടും കസ്റ്റഡിയിലെടുത്ത് അറസ്റ്റ് രേഖപ്പെടുത്തിയത്.
നിതിന്‍ രാജിന്റെ മരണം: ഡോ. റാമിനെ 14 ദിവസത്തേക്ക് റിമാന്‍ഡ് ചെയ്തു; കണ്ണൂര്‍ സബ് ജയിലിലേക്ക് മാറ്റി
Jaihind TV News Report
Jaihind TV Web Desk
Updated Oct 12, 2026
1 min read
191 reads
