കോന്നിയിലെ ദുരിതാശ്വാസ ക്യാമ്പ് സന്ദര്‍ശനവുമായി ബന്ധപ്പെട്ട് കെ.യു. ജനീഷ് കുമാര്‍ എം.എല്‍.എ ഉന്നയിച്ച ആരോപണങ്ങള്‍ തള്ളി സാംസ്‌കാരിക വകുപ്പ് മന്ത്രി പി.സി. വിഷ്ണുനാഥ്. ഒന്നാം തീയതി കോന്നിയിലെ ക്യാമ്പില്‍ താന്‍ എത്തിയത് എം.എല്‍.എയെ അങ്ങോട്ട് വിളിച്ച് സന്നദ്ധത അറിയിച്ച ശേഷമാണെന്ന് കോഴിക്കോട് വെച്ച് മന്ത്രി വ്യക്തമാക്കി. എം.എല്‍.എയുമായി ഒരുമിച്ച് ദുരിതാശ്വാസ ക്യാമ്പുകള്‍ സന്ദര്‍ശിച്ചതിന്റെ ഫോട്ടോ വാര്‍ത്താസമ്മേളനത്തില്‍ ഉയര്‍ത്തിക്കാട്ടിയാണ് മന്ത്രി തെളിവുകള്‍ പുറത്തുവിട്ടത്. ജനീഷ് കുമാര്‍ എം.എല്‍.എ 'വൃത്തികെട്ട രാഷ്ട്രീയം' കളിക്കുകയാണെന്നും അദ്ദേഹം ആരോപിച്ചു.
'ഞാന്‍ അങ്ങോട്ട് വിളിച്ചാണ് പോയത്; ജനീഷ് കുമാറിന്റേത് വൃത്തികെട്ട രാഷ്ട്രീയം'; കോന്നി ദുരിതാശ്വാസ ക്യാമ്പ് സന്ദര്‍ശനത്തിന്റെ തെളിവുകളുമായി മന്ത്രി പി.സി. വിഷ്ണുനാഥ്
Jaihind TV News Report
Jaihind TV Web Desk
Updated Oct 13, 2026
1 min read
346 reads
