KCL| കെ സി എല്‍ സീസണ്‍ 2: മത്സരക്രമം പ്രഖ്യാപിച്ചു, ആദ്യ പോരാട്ടം ഏരീസ് കൊല്ലം സെയിലേഴ്‌സും കാലിക്കറ്റ് ഗ്ലോബ്സ്റ്റാര്‍സും തമ്മില്‍

തിരുവനന്തപുരം: കേരളത്തിലെ ക്രിക്കറ്റ് പ്രേമികളുടെ കാത്തിരിപ്പിന് വിരാമമിട്ട് കേരള ക്രിക്കറ്റ് ലീഗിന്റെ രണ്ടാം സീസണിലെ സമ്പൂര്‍ണ്ണ മത്സരക്രമം പ്രഖ്യാപിച്ചു. ദിവസവും രണ്ട് മത്സരങ്ങള്‍ വീതമാണ് നടക്കുക. ഓഗസ്റ്റ് 21-ന് ആരംഭിക്കുന്ന ടൂര്‍ണമെന്റ് സെപ്റ്റംബര്‍ 6-ന് നടക്കുന്ന ഗംഭീര ഫൈനലോടെ സമാപിക്കും. ഏരീസ് കൊല്ലം സെയിലേഴ്‌സ്, കാലിക്കറ്റ് ഗ്ലോബ്സ്റ്റാര്‍സ്, അദാനി ട്രിവാന്‍ഡ്രം റോയല്‍സ്, കൊച്ചി ബ്ലൂ ടൈഗേഴ്‌സ്, തൃശൂര്‍ ടൈറ്റന്‍സ്, ആലപ്പി റിപ്പിള്‍സ് എന്നിവയുള്‍പ്പെടെ പ്രമുഖ ടീമുകളാണ് കിരീടത്തിനായി പോരാടുന്നത്. ടൂര്‍ണമെന്റിന്റെ ഉദ്ഘാടന ദിവസമായ ഓഗസ്റ്റ് 21-ന് രണ്ട് മത്സരങ്ങള്‍ അരങ്ങേറും. ഉച്ചകഴിഞ്ഞ് 2:30-ന് നടക്കുന്ന ആദ്യ മത്സരത്തില്‍ ഏരീസ് കൊല്ലം സെയിലേഴ്‌സ് കാലിക്കറ്റ് ഗ്ലോബ്സ്റ്റാര്‍സിനെ നേരിടും. തുടര്‍ന്ന് വൈകിട്ട് 7:45-ന് അദാനി ട്രിവാന്‍ഡ്രം റോയല്‍സ് കൊച്ചി ബ്ലൂ ടൈഗേഴ്‌സുമായി ഏറ്റുമുട്ടും. സെപ്റ്റംബര്‍ 4 വരെ നീണ്ടുനില്‍ക്കുന്ന ലീഗ് ഘട്ട മത്സരത്തില്‍ ഓഗസ്റ്റ് 22 ന് ആലപ്പി റിപ്പിള്‍സ് തൃശൂര്‍ ടൈറ്റന്‍സിനെയും (2:30 PM), ഏരീസ് കൊല്ലം സെയിലേഴ്‌സ് അദാനി ട്രിവാന്‍ഡ്രം റോയല്‍സിനെയും (6:45 PM) നേരിടും. ഓഗസ്റ്റ് 23 ന് കൊച്ചി ബ്ലൂ ടൈഗേഴ്‌സ് ആലപ്പി റിപ്പിള്‍സിനെയും (2:30 PM), തൃശൂര്‍ ടൈറ്റന്‍സ് കാലിക്കറ്റ് ഗ്ലോബ്സ്റ്റാര്‍സിനെയും (6:45 PM) നേരിടും. ഓഗസ്റ്റ് 24 ന് കാലിക്കറ്റ് ഗ്ലോബ്സ്റ്റാര്‍സ് അദാനി ട്രിവാന്‍ഡ്രം റോയല്‍സുമായും (2:30 PM), കൊച്ചി ബ്ലൂ ടൈഗേഴ്‌സ് ഏരീസ് കൊല്ലം സെയിലേഴ്‌സുമായും (6:45 PM) ഏറ്റുമുട്ടും. 25 ന് ഏരീസ് കൊല്ലം സെയിലേഴ്‌സ് തൃശൂര്‍ ടൈറ്റന്‍സിനെയും (2:30 PM), ആലപ്പി റിപ്പിള്‍സ് അദാനി ട്രിവാന്‍ഡ്രം റോയല്‍സിനെയും (6:45 PM) നേരിടും. 26 ന് നടക്കുന്ന മത്സരത്തില്‍ തൃശൂര്‍ ടൈറ്റന്‍സ് കൊച്ചി ബ്ലൂ ടൈഗേഴ്‌സിനെയും (2:30 PM), ആലപ്പി റിപ്പിള്‍സ് കാലിക്കറ്റ് ഗ്ലോബ്സ്റ്റാര്‍സിനെയും (6:45 PM) നേരിടും. 27 ന് കാലിക്കറ്റ് ഗ്ലോബ്സ്റ്റാര്‍സ് കൊച്ചി ബ്ലൂ ടൈഗേഴ്‌സുമായും (2:30 PM), അദാനി ട്രിവാന്‍ഡ്രം റോയല്‍സ് തൃശൂര്‍ ടൈറ്റന്‍സുമായും (6:45 PM) മത്സരിക്കും. 28 ന് കൊച്ചി ബ്ലൂ ടൈഗേഴ്‌സ് അദാനി ട്രിവാന്‍ഡ്രം റോയല്‍സിനെയും (2:30 PM), ഏരീസ് കൊല്ലം സെയിലേഴ്‌സ് ആലപ്പി റിപ്പിള്‍സിനെയും (6:45 PM) നേരിടും. 29 ന് തൃശൂര്‍ ടൈറ്റന്‍സ് ഏരീസ് കൊല്ലം സെയിലേഴ്‌സിനെയും (2:30 PM), കാലിക്കറ്റ് ഗ്ലോബ്സ്റ്റാര്‍സ് ആലപ്പി റിപ്പിള്‍സിനെയും (6:45 PM) നേരിടും. 30 ന് അദാനി ട്രിവാന്‍ഡ്രം റോയല്‍സ് കാലിക്കറ്റ് ഗ്ലോബ്സ്റ്റാര്‍സിനെയും (2:30 PM), കൊച്ചി ബ്ലൂ ടൈഗേഴ്‌സ് തൃശൂര്‍ ടൈറ്റന്‍സിനെയും (6:45 PM) നേരിടും. 31 ന് അദാനി ട്രിവാന്‍ഡ്രം റോയല്‍സ് ഏരീസ് കൊല്ലം സെയിലേഴ്‌സിനെയും (2:30 PM), ആലപ്പി റിപ്പിള്‍സ് കൊച്ചി ബ്ലൂ ടൈഗേഴ്‌സിനെയും (6:45 PM) നേരിടും. സെപ്റ്റംബര്‍ ഒന്നിന് നടക്കുന്ന മത്സരത്തില്‍ തൃശൂര്‍ ടൈറ്റന്‍സ് ആലപ്പി റിപ്പിള്‍സുമായും (2:30 PM), കാലിക്കറ്റ് ഗ്ലോബ്സ്റ്റാര്‍സ് ഏരീസ് കൊല്ലം സെയിലേഴ്‌സുമായും (6:45 PM) ഏറ്റുമുട്ടും. സെപ്റ്റംബര്‍ രണ്ടിന് കൊച്ചി ബ്ലൂ ടൈഗേഴ്‌സ് കാലിക്കറ്റ് ഗ്ലോബ്സ്റ്റാര്‍സിനെയും (2:30 PM), തൃശൂര്‍ ടൈറ്റന്‍സ് അദാനി ട്രിവാന്‍ഡ്രം റോയല്‍സിനെയും (6:45 PM) നേരിടും. സെപ്റ്റംബര്‍ 3ന് അദാനി ട്രിവാന്‍ഡ്രം റോയല്‍സ് ആലപ്പി റിപ്പിള്‍സിനെയും (2:30 PM), ഏരീസ് കൊല്ലം സെയിലേഴ്‌സ് കൊച്ചി ബ്ലൂ ടൈഗേഴ്‌സിനെയും (6:45 PM) നേരിടും. നാലിന് ആലപ്പി റിപ്പിള്‍സ് ഏരീസ് കൊല്ലം സെയിലേഴ്‌സിനെയും (2:30 PM), കാലിക്കറ്റ് ഗ്ലോബ്സ്റ്റാര്‍സ് തൃശൂര്‍ ടൈറ്റന്‍സിനെയും (6:45 PM) നേരിടും. ലീഗ് ഘട്ടത്തിലെ പ്രകടനത്തിന്റെ അടിസ്ഥാനത്തില്‍ പോയിന്റ് പട്ടികയില്‍ ആദ്യ നാല് സ്ഥാനങ്ങളില്‍ എത്തുന്ന ടീമുകള്‍ നോക്കൗട്ട് ഘട്ടത്തിലേക്ക് യോഗ്യത നേടും. സെപ്റ്റംബര്‍ 5-നാണ് സെമി ഫൈനല്‍ മത്സരങ്ങള്‍ നടക്കുക. ഉച്ചകഴിഞ്ഞ് 2:30-ന് നടക്കുന്ന ആദ്യ സെമി ഫൈനലില്‍ ഒന്നാം സ്ഥാനക്കാര്‍ നാലാം സ്ഥാനക്കാരെ നേരിടും. അന്നേ ദിവസം വൈകിട്ട് 6:45-ന് നടക്കുന്ന രണ്ടാം സെമി ഫൈനലില്‍ രണ്ടും മൂന്നും സ്ഥാനക്കാര്‍ തമ്മില്‍ ഏറ്റുമുട്ടും. ഈ മത്സരങ്ങളിലെ വിജയികള്‍ സെപ്റ്റംബര്‍ 6-ന് വൈകിട്ട് 6:45-ന് നടക്കുന്ന ഫൈനലില്‍ കിരീടത്തിനായി പോരാടും.