കോഴിക്കോട്: വടകര കാഫിര്‍ സ്‌ക്രീന്‍ഷോട്ട് കേസിലെ പ്രതി ജിതിന്‍ ഭാസ്‌കറിന്റെ ജാമ്യഹര്‍ജി പരിഗണിക്കുന്നത് കോഴിക്കോട് ജില്ലാ സെഷന്‍സ് കോടതി വീണ്ടും മാറ്റി. ഈ മാസം 29-ലേക്കാണ് ഹര്‍ജി മാറ്റിയത്. കേസില്‍ വിശദമായ വാദം കേള്‍ക്കുന്നതിന് വേണ്ടിയാണ് കോടതി നടപടി നീട്ടിവെച്ചത്.
നേരത്തെ വടകര ഫസ്റ്റ് ക്ലാസ് മജിസ്ട്രേറ്റ് കോടതി ജിതിന്റെ ജാമ്യാപേക്ഷ തള്ളിയിരുന്നു. ഇതിനെതിരെയാണ് പ്രതിഭാഗം ജില്ലാ സെഷന്‍സ് കോടതിയെ സമീപിച്ചത്. അതേസമയം, കേസില്‍ പ്രതിക്ക് യാതൊരു കാരണവശാലും ജാമ്യം അനുവദിക്കരുതെന്ന് പ്രത്യേക അന്വേഷണ സംഘം കോടതിയില്‍ റിപ്പോര്‍ട്ട് നല്‍കിയിട്ടുണ്ട്. പ്രതിക്ക് ജാമ്യം നല്‍കുന്നത് അന്വേഷണത്തെ ബാധിക്കുമെന്നാണ് പോലീസ് നിലപാട്.
കാഫിര്‍ സ്‌ക്രീന്‍ഷോട്ട് കേസ്: ജിതിന്‍ ഭാസ്‌കറിന്റെ ജാമ്യഹര്‍ജി പരിഗണിക്കുന്നത് മാറ്റി; ജാമ്യം നല്‍കരുതെന്ന് പോലീസ്
Jaihind TV News Report
Jaihind TV Web Desk
Updated Oct 13, 2026
1 min read
495 reads
