ബിജെപിയുടെ പരാജയ സമ്മതമാണ് കെ സുരേന്ദ്രന്റെ പ്രസ്താവന ; ഷാഫി പറമ്പില്‍ എം പി

പാലക്കാട് : പാലക്കാട് മണ്ഡലത്തില്‍ ബിജെപി പരാജയപ്പെടും എന്ന ഭീതിയാണ് കെ സുരേന്ദ്രന്റെ ആരോപണങ്ങള്‍ക്ക് പിന്നിലെന്ന് ഷാഫി പറമ്പില്‍ എംപി. പാലക്കാട് യുഡിഎഫ് വിജയിക്കുമെന്ന ഉറച്ച തീരുമാനം ഇവിടുത്തെ ജനത എടുത്തു കഴിഞ്ഞതാണ്. ബിജെപിയുടെ പരാജയ സമ്മതമാണ് കെ സുരേന്ദ്രന്റെ പ്രസ്താവന. ഇല്ലാത്ത ആരോപണം കൊണ്ട് ബിജെപിക്ക് രക്ഷപ്പെടുവാന്‍ കഴിയില്ലെന്നും ഫാഫി പറമ്പില്‍ പാലക്കാട് പറഞ്ഞു. കള്ളപ്പണം വന്നതിന്റെ ഉറവിടം കണ്ടെത്തണം. ഈ വിഷയത്തില്‍ അന്വേഷണത്തിന് കേന്ദ്രത്തിനോ കേരളത്തിനോ യാതൊരു താല്പര്യവും ഇല്ലെന്നും ഫാഫി പറഞ്ഞു. ബിജെപിയും സിപിഎമ്മും തമ്മിലുള്ള രഹസ്യബാന്ധവം അതിന്റെ എല്ലാ പരിധികളും ലംഘിച്ചു മുന്നോട്ടു പോവുകയാണ്. പണത്തിന്റെ ഉറവിടം സംബന്ധിച്ചും അതിന്റെ വിനിയോഗം സംബന്ധിച്ചും കൃത്യമായ അന്വേഷണം നടത്തണമെന്നും ഷാഫി പറമ്പില്‍ ആവശ്യപ്പെട്ടു.