ബൈക്കപകടത്തില് കാലിക്കറ്റ് എഫ്സി താരം റിജോണ് ജോസിന് ദാരുണാന്ത്യം. കോഴിക്കോട് മലബാര് ക്രിസ്റ്റിയന് കോളേജിന് സമീപത്തായിരുന്നു അപകടം. ഒപ്പമുണ്ടായിരുന്ന സഹതാരം ഗനി അഹമ്മദ് നിഗത്തിന് ഗുരുതരമായി പരിക്കേറ്റ് ആശുപത്രിയില് ചികിത്സയിലാണ്. ഞായറാഴ്ച രാത്രി ഇവര് സഞ്ചരിച്ച ബൈക്ക് മറ്റൊരു ബൈക്കുമായി കൂട്ടിയിടിക്കുകയായിരുന്നു. ഉടന്തന്നെ ആശുപത്രിയില് എത്തിച്ചെങ്കിലും റിജോണിന്റെ ജീവന് രക്ഷിക്കാനായില്ല. തൃശൂര് സ്വദേശിയാണ് റിജോണ്.
സൂപ്പര് ലീഗ് കേരളയില് കാലിക്കറ്റ് എഫ്.സിയുടെ പ്രതിരോധനിര താരമായിരുന്ന റിജോണ്, ഫോഴ്സ കൊച്ചി, എഫ്.സി കേരള എന്നീ ക്ലബുകള്ക്കായും കളിച്ചിട്ടുണ്ട്. പരിക്കേറ്റ ഗനി അഹമ്മദ് നിഗം കഴിഞ്ഞ സന്തോഷ് ട്രോഫിയില് കേരളത്തിനായി ബൂട്ടണിഞ്ഞ താരമാണ്.
