'സമ്പൂര്‍ണ്ണ മദ്യനിരോധനം പ്രായോഗികമല്ല, വീര്യം കുറഞ്ഞ മദ്യം കൊണ്ടുവരുന്നത് മദ്യദുരന്തങ്ങള്‍ ഒഴിവാക്കാന്‍': മന്ത്രി കെ. മുരളീധരന്

മദ്യ വിവാദം പാര്‍ട്ടിയിലും മുന്നണിയിലും ചര്‍ച്ചചെയ്യേണ്ട വിഷയമെന്ന് മന്ത്രി കെ.മുരളീധരന്‍. അത് മുഖ്യമന്ത്രി തന്നെ സഭയില്‍ പറഞ്ഞിട്ടുള്ളതാണെന്നും സമ്പൂര്‍ണ മദ്യനിരോധനത്തിന് ഇപ്പോള്‍ കഴിയില്ലെന്നും അദ്ദേഹം പറഞ്ഞു. കുറച്ചുപേര്‍ സമൂഹത്തില്‍ കുടിയന്മാരായുള്ള  സാഹചര്യത്തില്‍ വീര്യം കുറഞ്ഞ മദ്യമെങ്കിലും കൊടുത്തില്ലെങ്കില്‍ വല്ലതും കലക്കി കുടിച്ച് മദ്യ ദുരന്തം ഉണ്ടാകുമെന്നും അതുകൊണ്ടാണ് വീര്യം കുറച്ചു കൊണ്ടുവരുന്നതെന്നും അദ്ദേഹം പറഞ്ഞു. വിദ്യാര്‍ത്ഥികള്‍ക്ക് മദ്യം കൊടുക്കാന്‍ അനുവദിക്കില്ലെന്നും ലംഘിക്കുന്നവര്‍ക്കെതിരെ അതിശക്തമായ നടപടി ഉണ്ടാകുമെന്നും അദ്ദേഹം വ്യക്തമാക്കി. 

അതേസമയം തിരുവനന്തപുരം നഗരസഭയിലെ സിപിഎം ബിജെപി തമ്മില്‍ തല്ല് അവസാനിപ്പിക്കണമെന്നും കെ മുരരളീധരന്‍ പറഞ്ഞു.  പകര്‍ച്ചവ്യാധികളുടെ കാലത്ത് മാലിന്യനിര്‍മാര്‍ജനം പോലും നടത്താതെ ഇവര്‍ തമ്മില്‍ തല്ലുകയാണെന്നും അദ്ദേഹം കുറ്റപ്പെടുത്തി.