RAIN| കേരളത്തില് അതിശക്തമായ മഴ തുടരും; മൂന്ന് ജില്ലകളില് റെഡ് അലര്ട്ട്; ജാഗ്രത
Jaihind TV News Report
Jaihind TV Web Desk
August 05, 2025
1 min read
•
Updated: June 09, 2026
കേരളത്തില് അതിശക്തമായ മഴ തുടരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. എറണാകുളം, ഇടുക്കി, തൃശ്ശൂര് എന്നീ ജില്ലകളില് ഇന്ന് റെഡ് അലര്ട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം ജില്ലകളില് ഇന്ന് ശക്തമായ മഴയ്ക്ക് സാധ്യതയുണ്ട്. ഈ ജില്ലകളില് ഓറഞ്ച് അലര്ട്ടും പ്രഖ്യാപിച്ചു. തിരുവനന്തപുരം, കൊല്ലം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഇന്ന് യെല്ലോ അലര്ട്ടാണ്.
സംസ്ഥാന ദുരന്ത നിവാരണ അതോറിറ്റി നല്കുന്ന മുന്നറിയിപ്പ് അനുസരിച്ച്, കുറഞ്ഞ സമയം കൊണ്ട് അതിശക്തമായ മഴ പെയ്യാനുള്ള സാധ്യത കൂടുതലാണ്. ഇത് മലവെള്ളപ്പാച്ചിലിനും, മിന്നല് പ്രളയങ്ങള്ക്കും, നഗരങ്ങളില് വെള്ളക്കെട്ടിനും കാരണമായേക്കാം. തുടര്ച്ചയായി മഴ ലഭിക്കുന്ന പ്രദേശങ്ങളില് മണ്ണിടിച്ചിലും ഉരുള്പൊട്ടലും ഉണ്ടാകാന് സാധ്യതയുണ്ട്.
കൂടാതെ, കേരള തീരങ്ങളില് മണിക്കൂറില് 60 കിലോമീറ്റര് വരെ വേഗത്തില് കാറ്റ് വീശാനും കടലാക്രമണം ഉണ്ടാകാനും സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുത്. അടിയന്തിര സാഹചര്യങ്ങളില് ആവശ്യമായ മുന്കരുതലുകള് എടുക്കാനും അധികൃതരുടെ നിര്ദ്ദേശങ്ങള് പാലിക്കാനും എല്ലാവരും ശ്രദ്ധിക്കണം.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10