SFI| എസ് എഫ് ഐ റാലിക്ക് പോകാന് സ്കൂളിന് അവധി നല്കി പ്രധാന അധ്യാപകന്: റിപ്പോര്ട്ട് തേടി ജില്ലാ വിദ്യാഭ്യാസ ഡയറക്ടര്
Jaihind TV News Report
Jaihind TV Web Desk
June 30, 2025
1 min read
•
Updated: June 05, 2026
എസ്എഫ്ഐയുടെ ദേശീയ സമ്മേളനത്തിന്റെ ഭാഗമായുള്ള റാലിക്ക് പോകാന് സ്കൂള് വിദ്യാര്ത്ഥികള്ക്ക് അവധി നല്കി. കോഴിക്കോട് മെഡിക്കല് കോളജ് ക്യാമ്പസ് ഹൈസ്കൂളിലാണ് സംഭവം. സ്കൂളിലെ പ്രധാന അധ്യാപകന് തന്നെയാണ് അവധി നല്കിയത്. എസ്എഫ്ഐ നേതാക്കള് ആവശ്യപ്പെട്ടത് പ്രകാരമാണ് അവധി നല്കിയതെന്ന് പ്രധാന അധ്യപകന് പറഞ്ഞു. അതേസമയം അനുമതിയില്ലാതെയാണ് സ്കൂളിന് അവധി നല്കിയതെന്നും സംഭവത്തില് റിപ്പോര്ട്ട് തേടിയതായും ജില്ലാ വിദ്യാഭ്യസ ഡയറക്ടര് അറിയിച്ചു.
നേരത്തെ കെഎസ്യു സമരത്തില് സ്കൂളിന് അവധി നല്കിയിരുന്നില്ല. അന്ന് പൊലീസിന്റെ ഭാഗത്തുനിന്നും യാതൊരു സഹകരണവും ഉണ്ടായിരുന്നില്ല. ഇന്ന് എസ്എഫ്ഐ സമരമാണെന്ന നിലയില് നേതാക്കള് അറിയിച്ചതോടെയാണ് അവധി നല്കിയതെന്നാണ് അധ്യാപകന്റെ വിശദീകരണം.
പഠിപ്പ് മുടക്ക് സമരം എന്ന പേരിലാണ് വിദ്യാര്ത്ഥികള്ക്ക് അവധി നല്കിയത്. നാളെ സമരമായിരിക്കുമെന്ന് പ്രധാന അധ്യാപകന് തന്നെയാണ് രക്ഷിതാക്കളുടെ വാട്സ് ആപ്പ് ഗ്രൂപ്പില് വോയ്സ് മെസേജ് അയച്ചത്. സമരമുണ്ടാകുന്ന സാഹര്യമുണ്ടായാല് നാളെ അവധിയായിരിക്കും. ഇനി സമരമില്ലെങ്കില് പത്തരയ്ക്ക് ശേഷം സ്കൂള് വിടുന്നില്ലെന്ന് ഉറപ്പുവരുത്തിയേ രക്ഷിതാക്കളും ഓട്ടോ ഡ്രൈവര്മാരും ക്യാമ്പസ് വിട്ടുപോകാന് പാടുള്ളുവെന്നും അധ്യാപകന്റെ മെസേജില് പറയുന്നു.
അതേസമയം, എസ്എഫ്ഐ ദേശീയ സമ്മേളനത്തിനായി സ്കൂളിന് അവധി നല്കിയത് ശുദ്ധ തെമ്മാടിത്തരമാണെന്ന് കെഎസ്യു നേതാവ് അലോഷ്യസ് സേവ്യര് പറഞ്ഞു. കുട്ടികള്ക്ക് സമ്മേനത്തില് പങ്കെടുക്കുന്നതില് എതിര്പ്പില്ല. എന്നാല് സമ്മേളനത്തില് കുട്ടികളെ പങ്കെടുപ്പിക്കാനായി അവധി നല്കുന്നതിനെ ഒരു തരത്തിലും ന്യായികരിക്കാനാകില്ലെന്നും അദ്ദേഹം പറഞ്ഞു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10