നെടുമ്പാശേരിയില്‍ വീണ്ടും സ്വർണവേട്ട ; 66 ലക്ഷം രൂപയുടെ സ്വർണം പിടികൂടി

നെ​ടു​മ്പാശേരി വി​മാ​ന​ത്താ​വ​ള​ത്തി​ല്‍ വ​ന്‍ സ്വ​ര്‍​ണ​വേ​ട്ട. 66 ല​ക്ഷം രൂ​പ വി​ല​വ​രു​ന്ന ര​ണ്ട് കി​ലോ സ്വ​ര്‍​ണം പി​ടി​കൂ​ടി. നെടുമ്പാശേരി വിമാനത്താവളം വഴി കള്ളക്കടത്ത് വർധിക്കുകയാണെന്ന റിപ്പോർട്ടുകൾ പുറത്ത് വന്നതിന് പിന്നാലെയാണ് ഇന്ന് വീണ്ടും സ്വർണം പിടികൂടിയത്. റി​യാ​ദി​ല്‍​നി​ന്നും ജി​ദ്ദ​യി​ല്‍​നി​ന്നും എ​ത്തി​യ മ​ല​പ്പു​റം, കോ​ഴി​ക്കോ​ട് സ്വ​ദേ​ശി​ക​ളാ​യ ര​ണ്ട് യാ​ത്ര​ക്കാ​രി​ല്‍ ​നി​ന്നാ​ണ് സ്വ​ര്‍​ണം പി​ടി​ച്ചെ​ടു​ത്ത​ത്. ഇ​വ​രെ എ​യ​ര്‍​ക​സ്റ്റം​സ് ഇ​ന്‍റ​ലി​ജ​ന്‍​സ് അ​റ​സ്റ്റ് ചെ​യ്തു. റീ​ചാ​ര്‍​ജ​ബി​ള്‍ ഫാ​നി​ന്‍റേ​യും സ്പീ​ക്ക​റി​ന്‍റെ​യും ഉ​ള്ളി​ല്‍ പാളി​ക​ളാ​ക്കി​യാ​ണ് സ്വ​ര്‍​ണം കൊ​ണ്ടു​വ​ന്ന​ത്. കഴിഞ്ഞ ദിവസവും നെടുമ്പാശേരി വിമാനത്താവളത്തിൽ മലപ്പുറം സ്വദേശിയിൽ നിന്ന് മൂന്നേകാൽ കോടി രൂപയുടെ സ്വർണം പിടികൂടിയിരുന്നു. കഴിഞ്ഞ ഒരു മാസത്തിനിടെ 22 സ്വർണക്കടത്ത് കേസുകളാണ് എയർ കസ്റ്റംസ് ഇന്‍റലിജൻസ് രജിസ്റ്റർ ചെയ്തത്. ഒന്നേകാൽ കോടി രൂപയുടെ വിദേശ കറൻസിയും നെടുമ്പാശേരിയിൽ പിടികൂടിയിട്ടുണ്ട്. വിമാനത്താവളങ്ങൾ വഴിയുള്ള സ്വർണക്കടത്ത് സമീപകാലത്ത് വർധിക്കുന്നതായാണ് എയർ കസ്റ്റംസ് ഇന്‍റലിജൻസ് പുറത്തുവിട്ട കണക്കുകളിൽ നിന്ന് വ്യക്തമാകുന്നത്. നവംബർ ഏഴ് മുതൽ ഈ മാസം ഏഴ് വരെ 22 സ്വർണക്കടത്ത് കേസുകൾ എയർ കസ്റ്റംസ് ഇന്‍റലിജൻസ് പിടികൂടി. ഗൾഫ് രാജ്യങ്ങളിൽ നിന്നെത്തിയ മലയാളികളായ എട്ടു പേരെയാണ് അറസ്റ്റ് ചെയ്തത്. ആകെ 15.2 കിലോ സ്വർണം പിടിച്ചെടുത്തു. പിടിച്ചെടുത്ത സ്വർണത്തിന് വിപണിയിൽ 5.2 കോടി രൂപ വിലമതിക്കും. സ്വർണത്തിന് പുറമെ കള്ളക്കടത്തു സംഘം പ്രധാനമായും സംസ്ഥാനത്തേയ്ക്ക് എത്തിക്കുന്നത് വിദേശ കറൻസിയും സിഗററ്റുമാണ്. പത്ത് വിദേശ കറൻസി കേസുകൾ കഴിഞ്ഞ ഒരുമാസത്തിനിടെ രജിസ്റ്റർ ചെയ്തു. 1.2 കോടി രൂപയുടെ കറൻസികളാണ് പിടിച്ചത്. മലബാർ കേന്ദ്രീകരിച്ചുള്ള കള്ളക്കടത്ത് സംഘങ്ങളാണ് വ്യാപകമായി നെടുമ്പാശേരി വിമാനത്താവളം വഴി സ്വർണവും കറൻസിയും കടത്തുന്നത്. പിടികൂടിയവരിൽ ഭൂരിഭാഗവും മലബാർ ജില്ലക്കാരുമാണ്. കോഴിക്കോട് അന്താരാഷ്ട്ര വിമാനത്താവളത്തിൽ പരിശോധന കർശനമാക്കിയതോടെയാണ് സ്വർണക്കടത്തുകാർ നെടുമ്പാശേരിയെ ആശ്രയിച്ച് തുടങ്ങിയത്.