ക്ഷേത്രങ്ങളില്‍ ഷര്‍ട്ട് ഊരുന്നതിനെതിരായ മുഖ്യമന്ത്രിയുടെ പരാമര്‍ശം തെറ്റ്; മുഖ്യമന്ത്രി പിണറായി വിജയനെ വിമര്‍ശിച്ച് എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍.

  ച​ങ്ങ​നാ​ശേ​രി: ഉടുപ്പിട്ട് ക്ഷേത്രങ്ങളില്‍ കയറാമെന്ന മുഖ്യമന്ത്രിയുടെ പ്രസ്താവന അംഗീകരിക്കില്ലെന്ന് എന്‍.എസ്. എസ് ജനറല്‍ സെക്രട്ടറി ജി.സുകുമാരന്‍ നായര്‍. പെരുന്ന എന്‍എസ്എസ് ആസ്ഥാനത്ത് നടന്ന മന്നംജയന്തി ആഘോഷത്തിന്‍റെ ഭാഗമായുള്ള ഉദ്ഘാടന സമ്മേളനത്തിലാണ് സുകുമാരന്‍ മുഖ്യമന്ത്രിക്കെതിരെ സംസാരിച്ചത്. ക്ഷേത്രങ്ങളുടെ ആചാര അനുഷ്ഠാനങ്ങള്‍ അട്ടിമറിക്കരുതെന്നും മറ്റ് മതവിഭാഗങ്ങളുടെ ആചാര അനുഷ്ഠാനങ്ങളില്‍ ഇടപെടാന്‍ മുഖ്യമന്ത്രി തയ്യാറാകുമോയെന്നുമാണ് അദ്ദേഹം സമ്മേളനത്തില്‍ ചോദിച്ചത്. കാലങ്ങളായി നിലനിന്ന് പോകുന്ന ആചാരങ്ങള്‍ മാറ്റണമെന്ന് എന്തിനു പറയുന്നു. ശബരിമലയില്‍ ഷര്‍ട്ട് ധരിച്ചുകൊണ്ടാണ് ദര്‍ശനം നടത്തുന്നത്. ഓരോ ക്ഷേത്രങ്ങള്‍ക്കും ഓരോ വിശ്വാസങ്ങളുണ്ട്. ഇത്തരം കാര്യങ്ങളെ മുഖ്യമന്ത്രി പിന്തുണയ്ക്കാന്‍ പാടില്ലായിരുന്നുവെന്നും സുകുമാരന്‍ നായര്‍ പറഞ്ഞു. 'ഓ​രോ ക്ഷേ​ത്ര​ത്തി​നും ഓ​രോ വി​ശ്വാ​സം ഉ​ണ്ട്. ഓ​രോ ക്ഷേ​ത്ര​ങ്ങ​ളു​ടെ​യും ആ​ചാ​രാ​നു​ഷ്ഠാ​ന​ങ്ങ​ൾ പാ​ലി​ച്ച് മു​ന്നോ​ട്ടു​പോ​കാ​ൻ ഹൈ​ന്ദ​വ സ​മൂ​ഹ​ത്തി​ന് അ​വ​കാ​ശ​മു​ണ്ട്. എ​ത്ര​യോ കാ​ലം മു​ൻ​പ് മ​ന്ന​ത്ത് പ​ത്മ​നാ​ഭ​ൻ സാ​മൂ​ഹി​ക പ​രി​ഷ്ക​രം ന​ട​ത്തി​യി​ട്ടു​ണ്ട്'. നി​ങ്ങ​ൾ തീ​രു​മാ​നി​ച്ച് നി​ങ്ങ​ൾ ന​ട​പ്പി​ലാ​ക്കി​ക്കൊ​ള്ളൂ. ഞ​ങ്ങ​ളു​ടെ തീ​രു​മാ​ന​ങ്ങ​ൾ ഇ​ങ്ങ​നെ​യാ​ണെ​ന്നും സു​കു​മാ​ര​ൻ നാ​യ​ർ പ​റ​ഞ്ഞു. ഉ​ടു​പ്പി​ട്ട് പോ​കാ​ൻ ക​ഴി​യു​ന്ന​ത് അ​ങ്ങ​നെ പോ​ക​ണം. അ​ല്ലാ​ത്തെ അ​ത് നി​ർ​ബ​ന്ധി​ക്ക​രു​തെ​ന്നും സു​കു​മാ​ര​ൻ നാ​യ​ർ കൂ​ട്ടി​ച്ചേ​ര്‍​ത്തു.