തിരുവനന്തപുരം: തൃശൂർ പൂരം അട്ടിമറിക്കപ്പെട്ടതുമായി ബന്ധപ്പെട്ട നിർണായക അന്വേഷണ റിപ്പോർട്ട് ഡിജിപി സർക്കാരിന് കൈമാറി. കുറ്റപത്രം തയ്യാറാക്കുന്നതിനുള്ള ഔദ്യോഗിക അനുമതി തേടിക്കൊണ്ടാണ് ക്രൈംബ്രാഞ്ച് മേധാവി തയ്യാറാക്കിയ റിപ്പോർട്ട് സർക്കാരിന് സമർപ്പിച്ചിരിക്കുന്നത്
പൂരം അട്ടിമറിക്കാൻ ഗൂഢാലോചന നടന്നു എന്ന ആരോപണത്തിന്റെ പശ്ചാത്തലത്തിൽ സർക്കാർ പുറപ്പെടുവിച്ച പ്രത്യേക ഉത്തരവിന്റെ അടിസ്ഥാനത്തിലാണ് കേസ് രജിസ്റ്റർ ചെയ്ത് ക്രൈംബ്രാഞ്ച് അന്വേഷണം നടത്തിയത്. തിരുവമ്പാടി ദേവസ്വത്തിലെ മുതിർന്ന ഭാരവാഹികൾ ഉൾപ്പെടെ ആകെ എട്ട് പേരാണ് കേസിലെ പ്രതിപ്പട്ടികയിലുള്ളത്.
പൂരം അട്ടിമറിയുമായി ബന്ധപ്പെട്ട വിവിധ സംഭവവികാസങ്ങളെക്കുറിച്ച് സാക്ഷികളിൽ നിന്നും പ്രതികളിൽ നിന്നും വിശദമായ മൊഴിയെടുത്ത ശേഷമാണ് റിപ്പോർട്ട് തയ്യാറാക്കിയിരിക്കുന്നത്. പ്രതികൾക്കെതിരെ കുറ്റപത്രം സമർപ്പിക്കുന്നതിന് സർക്കാരിന്റെ അനുമതി ആവശ്യമാണ്.
