ആര്‍ സുഗതന്റെ കാപ്പ കരുതല്‍ തടങ്കല്‍ റദ്ദാക്കല്‍: സര്‍ക്കാരിന് ആരുമായും ഒത്തകളിയില്ല; സിപിഎം ആരോപണങ്ങളില്‍ പ്രതികരിച്ച് ആഭ്യന്തരമന്ത്രി

തിരുവനന്തപുരം: വാഴോട്ടുകോണം ബിജെപി കൗണ്‍സിലറും കാപ്പാ കേസ് പ്രതിയുമായ സുഗതനെതിരായ കാപ്പാ കേസ് ഹൈക്കോടതി റദ്ദാക്കിയ സംഭവത്തില്‍ ബിജെപിയും കോണ്‍ഗ്രസും തമ്മില്‍ ഒത്തുകളിയുണ്ടെന്ന സിപിഎം ആരോപണത്തിന് മറുപടിയുമായി ആഭ്യന്തരമന്ത്രി രമേശ് ചെന്നിത്തല രംഗത്ത്. ബിജെപിയുമായി കോണ്‍ഗ്രസിന് യാതൊരുവിധ ഒത്തുകളിയുമില്ലെന്നും, കഴിഞ്ഞ പത്ത് വര്‍ഷം ബിജെപിയുമായി ഒത്തുകളിച്ചവരാണ് ഇപ്പോള്‍ പ്രതിപക്ഷത്തിരിക്കുന്നതെന്നും അദ്ദേഹം വ്യക്തമാക്കി.

കഴിഞ്ഞ തെരഞ്ഞെടുപ്പില്‍ ബിജെപിക്ക് വോട്ട് നല്‍കിയതുകൊണ്ടാണ് കേരളത്തിലെ ജനങ്ങള്‍ സിപിഎമ്മിനെ പരാജയപ്പെടുത്തിയതെന്നും, ജനങ്ങള്‍ക്ക് കൃത്യമായ രാഷ്ട്രീയ വിവേകമുണ്ടെന്നും അദ്ദേഹം ഓര്‍മ്മിപ്പിച്ചു. ബിജെപിയുമായി കോണ്‍ഗ്രസിനുള്ള ബന്ധത്തെക്കുറിച്ച് സിപിഎം നടത്തുന്ന ആരോപണങ്ങള്‍ കേരളത്തിലെ ജനങ്ങള്‍ തള്ളിക്കളയുമെന്നും രമേശ് ചെന്നിത്തല കൂട്ടിച്ചേര്‍ത്തു. നിയമപരമായ നടപടിക്രമങ്ങളുടെ ഭാഗമായാണ് കോടതി തീരുമാനങ്ങള്‍ ഉണ്ടായതെന്നും, ഇതില്‍ രാഷ്ട്രീയ ലക്ഷ്യങ്ങളൊന്നുമില്ലെന്നും അദ്ദേഹം വ്യക്തമാക്കി.