ബെംഗളൂരു: ബെംഗളൂരുവിലുണ്ടായ വാഹനാപകടത്തിൽ മലയാളി യുവതി മരിച്ചു. കോഴിക്കോട് ബാലുശ്ശേരി സ്വദേശിനി മേഥ പ്രത്യുരാജ് ആണ് മരിച്ചത്. ബെംഗളൂരു പ്രൊവിഡന്റ് ഫണ്ട് ഓഫീസിൽ അക്കൗണ്ടന്റായി ജോലി ചെയ്തു വരികയായിരുന്നു. ബുധനാഴ്ച രാവിലെ ഓഫീസിലേക്ക് പോകുന്ന വഴിക്കായിരുന്നു അപകടം സംഭവിച്ചത്. സാമൂഹ്യ-സാംസ്‌കാരിക പ്രവർത്തകനും തരിയോട് സെന്റ് മേരീസ് സ്‌കൂൾ റിട്ട. അധ്യാപകനുമായ പ്രത്യുരാജ് മൊടക്കല്ലൂരിന്റെയും, തരിയോട് ഗ്രീൻ മൗണ്ട് പബ്ലിക് സ്‌കൂൾ മുൻ അധ്യാപിക ഉഷയുടെയും മകളാണ് മേഥ. സംസ്‌കാരം വ്യാഴാഴ്ച രാവിലെ 10 മണിക്ക് ബാലുശ്ശേരി അറപ്പീടിക ഖാദി റോഡിലെ കൊട്ടക്കാട്ട് വീട്ടുവളപ്പിൽ നടക്കും.
കോഴിക്കോട് സ്വദേശിനി മേഥ പ്രത്യുരാജ് ബെംഗളൂരുവിൽ വാഹനാപകടത്തിൽ മരിച്ചു
Jaihind TV News Report
Jaihind TV Web Desk
Updated Oct 13, 2026
1 min read
606 reads
