തിരുവനന്തപുരം: കനത്ത മഴയിൽ പൊന്മുടിയിൽ മണ്ണിടിച്ചിൽ. കല്ലാർ - പൊന്മുടി റോഡിൽ പന്ത്രണ്ടാം വളവിലും ഇരുപത്തിരണ്ടാം വളവിന് അടുത്ത് ഇടിയകോവിലിന് സമീപത്തുമാണ് മണ്ണിടിച്ചിലുണ്ടായത്. ഇതേത്തുടർന്ന് ഇനി ഒരറിയിപ്പ് ഉണ്ടാകുന്നതുവരെ പൊന്മുടി ഇക്കോ ടൂറിസം കേന്ദ്രം അടച്ചു.
അതേസമയം സംസ്ഥാനത്തിന്‍റെ വിവിധ ഭാഗങ്ങളില്‍ മഴ ശക്തമായി തുടരുകയാണ്. മലയോര മേഖലകളില്‍ അതീവജാഗ്രതാ നിർദേശം നല്‍കിയിട്ടുണ്ട്. ഇന്ന് 9 ജില്ലകളില്‍ റെഡ് അലർട്ട് പ്രഖ്യാപിച്ചിട്ടുണ്ട്.
സർക്കാരിന്‍റെ വിവിധ വകുപ്പുകളെ ഏകോപിപ്പിച്ചുകൊണ്ടുള്ള രക്ഷാപ്രവർത്തനമാണ് പുരോഗമിക്കുന്നത്. ഊർജിതമായ രക്ഷാപ്രവർത്തനം പുരോഗമിക്കുകയാണെന്നും ഏത് സാഹചര്യത്തെയും നേരിടാന്‍ സജ്ജമാണെന്നും മുഖ്യമന്ത്രി വി.ഡി. സതീശന്‍ അറിയിച്ചു.
