അന്തരിച്ച മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായിരുന്ന ലീഡർ കെ.കരുണാകരന്‍റെ നൂറാം ജന്മദിനത്തിന്‍റെ ഭാഗമായി സംസ്ഥാനത്താകമാനം അനുസ്മരണ യോഗങ്ങൾ നടക്കും. കെ.പി.സി.സി ആസ്ഥാനത്ത് രാവിലെ 10 മണിക്ക് നടക്കുന്ന യോഗത്തിൽ മുതിർന്ന കോൺഗ്രസ് നേതാവ് എ.കെ ആന്‍റണി, എ ഐ സി സി ജനറൽ സെക്രട്ടറി ഉമ്മൻ ചാണ്ടി, പ്രതിപക്ഷ നേതാവ് രമേശ് ചെന്നിത്തല, കെ.പി സി.സി അദ്ധ്യക്ഷൻ എം എം ഹസൻ തുടങ്ങിയവർ നേതൃത്വം നൽകും. ജില്ലാ കോൺഗ്രസ് കമ്മിറ്റികളുടെ നേതൃത്വത്തിൽ ഡി സി സി ഓഫീസുകളിലും അനുസ്മരണ യോഗങ്ങൾ നടക്കും.