തിരുവനന്തപുരം: വിനോദസഞ്ചാരത്തിനിടെ വിയറ്റ്നാമിലുണ്ടായ ബോട്ടപകടത്തില്‍ മരിച്ച കൊട്ടാരക്കര സ്വദേശികളായ എ.സി. തോമസിന്റെയും ഭാര്യ ലോവേനി തോമസിന്റെയും മൃതദേഹങ്ങള്‍ നാട്ടിലെത്തിച്ചു. മുംബൈയില്‍ നിന്നും തിരുവനന്തപുരം വിമാനത്താവളത്തിലാണ് മൃതദേഹങ്ങള്‍ എത്തിച്ചത്.
വിമാനത്താവളത്തില്‍ എത്തിച്ച മൃതദേഹങ്ങള്‍ മന്ത്രിമാരായ പി.സി. വിഷ്ണുനാഥ്, സി.പി. ജോണ്‍, കൊടിക്കുന്നില്‍ സുരേഷ് എം.പി എന്നിവരും ബന്ധുക്കളും ചേര്‍ന്ന് ഏറ്റുവാങ്ങി. വിമാനത്താവളത്തില്‍ അന്ത്യാഞ്ജലി അര്‍പ്പിച്ച ശേഷം മൃതദേഹങ്ങള്‍ ഇവരുടെ ജന്മനാടായ കൊട്ടാരക്കരയിലേക്ക് കൊണ്ടുപോയി. ഇന്ന് വൈകുന്നേരം കൊട്ടാരക്കര മാര്‍ത്തോമ്മ ചര്‍ച്ചിലാണ് സംസ്‌കാര ചടങ്ങുകള്‍ നടക്കുക.
വിയറ്റ്നാമിലെ വിനോദസഞ്ചാരത്തിനിടെ ഫു ക്വോക്ക് ദ്വീപിന് സമീപം സ്പീഡ് ബോട്ട് മറിഞ്ഞുണ്ടായ ദുരന്തത്തിലാണ് ഇരുവരും മരണപ്പെട്ടത്.
വിയറ്റ്നാം ബോട്ടപകടം: കൊട്ടാരക്കര സ്വദേശികളായ ദമ്പതികളുടെ മൃതദേഹങ്ങള്‍ നാട്ടിലെത്തിച്ചു; സംസ്‌കാരം ഇന്ന് വൈകുന്നേരം
Jaihind TV News Report
Jaihind TV Web Desk
Updated Oct 12, 2026
1 min read
217 reads
