Rain| സംസ്ഥാനത്ത് മഴ തുടരും, രണ്ട് ജില്ലകളില് ഓറഞ്ച് അലര്ട്ട്; മത്സ്യത്തൊഴിലാളികള്ക്ക് ജാഗ്രതാ നിര്ദേശം
Jaihind TV News Report
Jaihind TV Web Desk
August 17, 2025
1 min read
•
Updated: June 09, 2026
തിരുവനന്തപുരം: സംസ്ഥാനത്ത് ഇന്നും ശക്തമായ മഴ തുടരുമെന്ന് കാലാവസ്ഥാ വകുപ്പ് അറിയിച്ചു. കണ്ണൂര്, കാസര്ഗോഡ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. വയനാട്, കോഴിക്കോട്, മലപ്പുറം, പാലക്കാട്, തൃശൂര്, എറണാകുളം, ഇടുക്കി ജില്ലകളില് യെല്ലോ അലര്ട്ടും നിലവിലുണ്ട്.
ഓറഞ്ച് അലര്ട്ടുള്ള ജില്ലകളില് ഒറ്റപ്പെട്ട അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ഇത് 24 മണിക്കൂറിനുള്ളില് 115.6 മില്ലിമീറ്റര് മുതല് 204.4 മില്ലിമീറ്റര് വരെ മഴ ലഭിക്കാമെന്നാണ് സൂചിപ്പിക്കുന്നത്. യെല്ലോ അലര്ട്ടുള്ള ജില്ലകളില് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴയാണ് ഈ ജില്ലകളില് പ്രതീക്ഷിക്കുന്നത്.
തെക്കന് ഛത്തീസ്ഗഢിന് മുകളിലായി നിലനിന്നിരുന്ന ന്യൂനമര്ദ്ദം പടിഞ്ഞാറ് - വടക്ക് പടിഞ്ഞാറ് ദിശയില് സഞ്ചരിച്ച് ദുര്ബലമായി നാളെയോടെ ഗുജറാത്തിന് മുകളിലെത്തിച്ചേരാന് സാധ്യതയുണ്ട്. ഇതിനു പുറമെ, വടക്ക് പടിഞ്ഞാറന്-മധ്യ പടിഞ്ഞാറന് ബംഗാള് ഉള്ക്കടലിന് മുകളില് നാളെയോടെ പുതിയൊരു ന്യൂനമര്ദ്ദം രൂപപ്പെടാനും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
കേരളം, കര്ണാടക, ലക്ഷദ്വീപ് തീരങ്ങളില് നാളെയോടെ മത്സ്യബന്ധനത്തിന് പോകാന് പാടില്ലെന്ന് കാലാവസ്ഥാ വകുപ്പ് മുന്നറിയിപ്പ് നല്കി. തെക്കന് തമിഴ്നാട് തീരം, വടക്കന് തമിഴ്നാട് തീരം, ഗള്ഫ് ഓഫ് മന്നാര്, കന്യാകുമാരി തീരം, തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല് എന്നിവയോട് ചേര്ന്നുള്ള ആന്ഡമാന് കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും മുന്നറിയിപ്പില് പറയുന്നു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10